महाड( मिलिंद माने) राष्ट्रीय महामार्गावरील प्रवास करणाऱ्या ट्रक, खाजगी बसेस तसेच एस टी महामंडळाच्या बसेस व कार चालक यांना प्रवासादरम्यान विश्रांतीसाठी बांधण्यात आलेल्या महाडमधील गांधार पाले येथील चालक विश्रांतीगृहाची राष्ट्रीय महामार्ग. व एल .अँड .टी कंपनीच्या बेजबाबदारपणाच्या धोरणामुळे दुरावस्था झाली असल्याने वाहन चालकांनी विश्रांतीसाठी थांबायचे कुठे असा प्रश्न राष्ट्रीय महामार्गावरून प्रवास करणारे हजारो वाहन चालक राष्ट्रीय महामार्ग खात्याच्या अधिकाऱ्यांना विचारीत आहेत
राष्ट्रीय महामार्गावरून प्रवास करणाऱ्या वाहन चालकांना ठराविक अंतर पार करून गेल्यानंतर अथवा गाडीमध्ये तांत्रिक बिघाड असल्यास वाहन चालक. आपले वाहन विश्रांती कक्षाच्या ठिकाणी बांधण्यात आलेल्या वाहन तळावर वाहने थांबवितात मात्र याच विश्रांती कक्षाची मोठ्या प्रमाणावर दुरावस्था झाल्याचे चित्र मुंबई गोवा राष्ट्रीय महामार्गावरील गांधार पाले येथील चालक विश्रांती कक्षाच्या पाहणी दरम्यान पाहण्यास मिळत आहे
मुंबई व राष्ट्रीय महामार्ग क्रमांक ६६ वरील. गांधार पाले येथे राष्ट्रीय महामार्गाला लागून असलेल्या चालक विश्रांती गृह कशाला मुख्य दरवाजाच नाही तर खिडक्यांची तावदाने तुटली असून काचांच्या साम्राज्याचा खच पडला आहे तर अनेक ठिकाणी अस्वच्छता असून मध्य प्राशन करणाऱ्या महाभागांना चालक विश्रांती गृह म्हणजे पर्वणी असून दारूच्या बाटल्या व प्लास्टिकचे दारू पिण्याचे रिकामे ग्लास यांचा मोठा कचरा या ठिकाणी जमा झाला आहे
स्वच्छतागृहाची दैना अवस्था!
गांधार पाले येथील चालक विश्रांतीगृहामध्ये असणाऱ्या स्वच्छतागृहामधील स्वच्छतागृहांना दरवाजेच नाही अनेक दरवाजे खिडक्यांची तावधाने तुटलेल्या अवस्थेत आहेत तर शौचालयामध्ये व स्नानगृहात पाणीच नसल्याने विश्रांती कक्षामध्ये येणाऱ्या वाहन चालकांनी कुठे जायचे असा प्रश्न या निमित्ताने उपस्थित होत आहे
वीज प्रवाह गायब?
राष्ट्रीय महामार्गावरील गांधार पाले येथील चालक विश्रांती गृहामध्ये तसेच विश्रांतीगृहाला लागून असलेल्या शौचालय व स्नानगृहात रात्रीच्या वेळी संपूर्ण अंधाराचे साम्राज्य पसरलेले असते विज प्रवाह नसल्याने रात्रीच्या अंधारात गैर कृत्य करणाऱ्यांना या विश्रांती कक्षाचा उपयोग होत आहे मात्र मूळ उद्देश वाहन चालक विश्रांती कक्ष हा बाजूलाच राहत असल्याचे या निमित्ताने अधोरेखित होत आहे
विश्रांती कक्षाचा वापर ठेकेदाराने घेतला?
मुंबई गोवा राष्ट्रीय महामार्गाच्या रस्त्याला पांढरे पट्टे मारणाऱ्या एजन्सी धारकांनी या विश्रांती . कक्षाचा वापर अनधिकृतपणे ताबा घेतला असून या ठिकाणी राष्ट्रीय महामार्गावर पांढरे पट्टे मारण्यासाठी लागणाऱ्या कलरच्या पिशव्या कलरचे डबे यांचे साम्राज्य विश्रांती कक्षा मध्ये पाहण्यास मिळाले एकंदरीत विश्रांती कक्ष हे खाजगी एजन्सी धारकाला राष्ट्रीय महामार्ग खात्याने आंदण दिले आहे का असा प्रश्न या निमित्ताने उपस्थित होत आहे
चालक विश्रांती कक्षाची देखभाल दुरुस्ती एल .अँड.टी .कंपनीकडे
महाड जवळील गंधार पाले येथील राष्ट्रीय महामार्गाजवळ बांधण्यात आलेल्या चालक विश्रांती कक्षाची दुरुस्ती व देखभाल करण्याची जबाबदारी राष्ट्रीय महामार्गाचे काम करणाऱ्या एल .अँड.टी कंपनीकडे असल्याचे राष्ट्रीय महामार्ग खात्याचे शाखा अभियंता अमोल महाडकर यांनी सांगितले राष्ट्रीय महामार्ग क्रमांक ६६ वरील वीर ते कशेडी बोगदा पर्यंतच्या रस्त्याचे तसेच नदीवरील पूल व उड्डाणपूलांचे कामे एल .अँड.टी .कंपनीकडून करण्यात . आले आहे या पट्ट्यातील महामार्गाच्या दर्जा बघितल्यास अत्यंत निकृष्ट दर्जाचा आहे त्याच पद्धतीने चालक विश्रांती कक्षाची अवस्था झाली असून उद्या या विश्रांती कक्षा मध्ये बेकायदेशीर कृत्य झाले तर याला जबाबदार देखील एल .अँड.टी .कंपनी राहील हे यावरून सिद्ध होत आहे