चर्मोद्योगाद्वारे युवकांनी आत्मनिर्भर व्हायला हवे; केंद्रीय मंत्री पीयूष गोयल यांचे प्रतिपादन
श्री अटल बिहारी वाजपेयी कौशल्य विकास केंद्राचे पहिल्यांदा असे उपयोगी उपक्रम
मुंबई : भारत आणि परदेशात दर्जेदार फुटवेअरची वाढती मागणी लक्षात घेऊन, चामड्याच्या उद्योगात युवकांनी स्वावलंबी आणि आत्मनिर्भर आवश्यक आहे. केंद्र आणि राज्य सरकारकडून या क्षेत्राला प्रोत्साहन देण्यासाठी विविध होणे उपक्रम राबवले जात आहेत, त्यात आज उत्तर मुंबईतील श्री अटल बिहार वाजपेयी कौशल्य विकास केंद्राचे चर्मकार उद्योग साठी ट्रेनिंग चे विशेष सत्र अतिशय महत्त्वाचे आहे,असे प्रतिपादन केंद्रीय वाणिज्य मंत्री आणि उत्तर मुंबईचे खा. पीयूष गोयल यांनी केले.
चर्मकार समाजाच्या सर्वांगीण विकासासाठी कांदिवली पूर्वेकडील अटल बिहारी वाजपेयी कौशल्य विकास केंद्रात आयोजित विशेष कौशल्य विकास कार्यक्रमात मंत्री पीयूष गोयल यांनी व्हिडीओ कॉन्फरन्सद्वारे संवाद साधला. त्यांनी उद्योग क्षेत्रातील नव्या संधी, कौशल्य प्रशिक्षणाचे महत्त्व आणि स्वतःचा व्यवसाय उभारण्यासाठी आयोजित केलेल्या चर्मकार उद्योग प्रशिक्षण उपक्रम स्तुत्य उपक्रम असल्याचे सांगितले.
जीएसटीचा दर १२ वरून ५ टक्क्यांवर आणल्याने अनेक उत्पादनांची विक्री
वाढली आहे. या संबंधी आवश्यक मार्गदर्शन केले.
पीयूष गोयल म्हणाले की, युवकांना उद्योजकतेसाठी प्रोत्साहित करून, स्टार्टअप्स, नवीन डिझाइन्स आणि आरामदायी तसेच आकर्षक पादत्राणे तयार करण्यासाठी संधी उपलब्ध करून दिली जाते. यासोबतच, जीएसटी दर १२ टक्क्यांवरून ५ टक्क्यांवर आणल्यामुळे उत्पादन आणि विक्रीत स्पर्धात्मकता वाढली असून, उद्योग क्षेत्रासाठी हा मोठा फायदा ठरला आहे. फूटवेअरच्या दर्जावर नियंत्रण ठेवण्यासाठी सरकारने क्वालिटी कंट्रोल ऑर्डर लागू केली आहे, ज्यामुळे निकृष्ट वस्तूंची विक्री रोखली जाईल आणि भारतीय उत्पादने आंतरराष्ट्रीय स्तरावर अधिक मान्यता मिळवतील.
कोल्हापुरी चप्पलला मिळालेल्या जीआय टॅगप्रमाणेच, मोजडीसारख्या इतर पारंपरिक उत्पादनांनाही जीआय टॅग देण्याचा विचार सुरू आहे, ज्यामुळे स्वदेशी उत्पादनांची ओळख आणि प्रतिष्ठा वाढेल, असेही पीयूष गोयल यांनी सांगितले. याप्रसंगी महामंत्री सत्यप्रकाश सिंह आणि राष्ट्रीय चर्मकार महासंघ मुंबई गटाई कामगार अध्यक्ष उत्तम अहिरे
स्वाभिमानी चर्म उद्योग कामगार संस्थांचे संस्थापक अध्यक्ष
रवींद्र पांडुरंग जाधव
गुरु रविदास बहुउद्देशीय सामाजिक संस्था मुंबई चे
शंकर भाऊ अहिरे
राष्ट्रीय चर्मकार महासंघ मुंबई कार्याध्यक्ष दादा माने
जीवन ज्योती चर्मकार संस्थापक अध्यक्ष एडवोकेट रवी बाबू गवळी
उत्तर मुंबई जिल्हा अध्यक्ष राष्ट्रीय चर्मकार महासंघ बाबू गोरे
लेदर चप्पल जुता डिझायनर ट्रेनर अरुण काशिनाथ अहिरे उपस्थित राहिले आणि उपयोगी मार्गदर्शन केले.
यावेळी या कौशल्य विकास केंद्राचे संयोजक दयाळ कांगणे यांनी सांगितले की,एकूण 60 लोकांनी चर्मकार उद्योग प्रशिक्षण उपक्रम मध्ये भाग घेतला.