मुंबई – मुंबई महापालिकेच्या अलीकडे प्रसिद्ध झालेल्या प्रभाग रचनेत गंभीर त्रुटी आढळल्याचा आरोप करत, सामाजिक कार्यकर्ते रूपेश रमेश पाटील यांनी प्रभाग क्र. २२३ संदर्भात आपली हरकत अधिकृतरित्या ‘बी’ विभागातील सहाय्यक करनिर्धारक व संकलक यांच्याकडे दाखल केली आहे.
पाटील यांनी नमूद केले आहे की, प्रभाग २२३ मध्ये काही भाग चुकीच्या पद्धतीने वगळण्यात आले आहेत. यामध्ये मस्जिद साईडिंग रोड ते टाटा पॉवर हाऊस (कर्नाक ब्रिज) व मस्जिद बंदर स्टेशनचा पूर्वेकडील भाग समाविष्ट व्हावा, अशी मागणी त्यांनी केली आहे.
दुसरीकडे, अनेक भाग — जसे की केशवजी नाईक रोड ते २ रा फ्रॅंक रोड शाईदा मार्ग, हजरत अब्बास स्ट्रीट, सॅम्युअल स्ट्रीट उमर कोकिल मार्ग, टनटनपुरा स्ट्रीट,आलिया भाई वालजी मार्ग, जेलरोड साऊथ,इमामवाडा रोड, पिरु लेन, सरदार वल्लभभाई पटेल रोड उजवीकडची बाजू,लाईम स्पाइस रेस्टॉरंट जेजे फ्लायओव्हर अल्मास हॉटेल पर्यंतचा परिसर , रामचंद्र भट मार्ग उजवीकडची बाजू, बंदूकवाला बिल्डिंग पर्यंत, लक्ष्मण नारायण जाधव, खड्ड्याची वाडी — हे भौगोलिकदृष्ट्या व स्थानिक गरजेनुसार प्रभाग क्र.२२३ मधून वगळावे अशी शिफारस त्यांनी केली आहे.
“या नव्या रचनेत जवळपास ५ ते ६ हजार नवीन मतदारांचा समावेश होतो आणि त्याच संख्येने मतदार वगळले जात असल्यामुळे कोणत्याही प्रभागावर ताण येणार नाही तसेच २२३ व २२४ हे एका रेषेमध्ये विभागले जातील. भौगोलिकदृष्ट्या नागरी सोयीसुविधा आणि प्रशासनिक सुसूत्रता लक्षात घेता, ही रचना फेरविचारासाठी सादर केली आहे,” असे पाटील यांनी स्पष्ट केले.
त्यांनी अनुसूचित जाती-जमाती व महिला आरक्षणाच्या विभागणीवरही प्रश्न उपस्थित केला असून, “ही आरक्षण विभागणी अन्यायकारक असल्याने, समाज घटकांवर अन्याय करणारी आहे,” असा आरोप त्यांनी केला आहे.
सदर हरकतीचा विचार करून पालिकेकडे केलेल्या हरकती व सूचना या अर्जावर
मुख्य निवडणूक कार्यालयाने सुधारित रचना जाहीर करावी, अशी मागणी पाटील यांनी केली आहे.