महाड औद्योगिक वसाहतीच्या टेमघर नाला व सव जवळ प्रदूषित पाण्याविरोधात ग्रामस्थांच्या तक्रारी!
प्रदूषण नियंत्रण मंडळाच्या अधिकाऱ्यांकडून पाण्याचे नमुने तपासणीसाठी पाठवण्याची केवळ बघ्याची भूमिका!
महाड .( मिलिंद माने)
पावसाळ्यामध्ये महाड औद्योगिक वसाहती मधील काही कारखानदारांकडून मुसळधार पावसाचा फायदा घेत मध्य रात्री . उशिरा कंपन्यांमधील प्रदूषित मिश्रित रसायन नदीपात्रात सोडल्या जाण्याच्या घटना वारंवार घडत असताना आज पुन्हा एकदा शनिवारी सकाळी टेमघर नाल्यामध्ये सफेद रंगाचे निर्माण झालेले पाणी आज सकाळी सावित्री खाडी मधील खाडी पट्ट्यातील सव या गावाजवळ नदीपात्रात प्रदूषित रंगीत पाणी तयार झाल्याच्या तक्रारी प्राप्त झाल्याने ग्रामस्थ एकवटले होते व याची गंभीर दखल घेऊन प्रदूषण नियंत्रण मंडळाच्या अधिकाऱ्यांनी तातडीने घटनास्थळी धाव घेऊन संबंधित ठिकाणचे पाण्याची नमुने तपासणीसाठी ताब्यात घेतल्याची माहिती या विभागाच्या सूत्रांकडून प्राप्त झाली आहे.
महाड . औद्योगिक वसाहती मधील टेमघर नाला येथे झालेल्या सकाळच्या या प्रदूषित नाल्या संदर्भातील घटनेबाबत महाड प्रदूषण यंत्र मंडळाचे मुख्य अधिकारी तानाजी पाटील यांना विचारणा केली असता त्यांनी या संदर्भात आपल्याकडे सकाळी११ च्या सुमारास तक्रार प्राप्त झाल्याचे स्पष्ट करून आज कार्यालय बंद असल्याने कर्मचाऱ्यांना या संदर्भात तातडीने आपण पाण्याचे नमुने घेण्याचे आदेश दिल्याची प्रतिनिधीशी बोलताना सांगितले
महाड औद्योगिक वसाहतीतील टेमघर नाल्यांमधील घटना ताजी असतानाच खाडीपट्टा विभागातील सव या गावाच्या परिसरात देखील सावित्री खाडी प्रदूषित झाल्याचे पाण्यात मिळाले त्यावेळी गावातील काही नागरिकांनी प्रदूषित मिश्रित पाणी गेल्या दोन दिवसापासून या परिसरात दिसून येत असल्याच्या तक्रारी केल्याची माहिती स्थानिक प्रशासनाकडून प्रदूषण नियंत्रण मंडळाला देण्यात आली होती त्याबाबतही संबंधित विभागाच्या अधिकाऱ्यांनी प्रत्यक्ष घटनास्थळी जाऊन याबाबतची खातर जमा केली असून नमुने गोळा करण्यात आल्याचे माहिती प्राप्त झाली आहे.
. महाड औद्योगिक वसाहतीमध्ये चालू वर्षी पावसाळ्यामध्ये होणाऱ्या या घटनांमध्ये तुलनेने घट झाली असली तरीही आता पावसाळी हंगाम संपत असताना सुरू झालेल्या या घटनांनी स्थानिक ग्रामस्थांमध्ये पुन्हा एकदा या सावित्री नदीला प्रदूषित करणाऱ्या कारखानदारांविरोधात तीव्र संतापाची भावना निर्माण झाली आहे. या प्रदूषित पाण्यामुळे खाडीपट्ट्यातील खाडीवर उदरनिर्वाह करणाऱ्या भोई समाजातील मासेमारी करणाऱ्या लोकांना मात्र मोठ्या संकटांना सामोरे जावे लागत आहे
काही वर्षांपूर्वी अशाच पद्धतीच्या होत असलेल्या घटनांच्या विरोधात खाडीपट्टा संघर्ष समितीची स्थापना करण्यात आली होती मागील काही वर्षात सर्व सुरळीत झाल्याने संघर्ष समितीची कामे थांबली होती मात्र गेल्या काही दिवसात झालेल्या या घटना लक्षात घेता खाडीपट्टा संघर्ष समिती या संदर्भात कोणती भूमिका घेते हे पाहणे औत्सुक्याचे ठरणार आहे.
स्थानिक प्रशासन प्रदूषण नियंत्रण मंडळ याबरोबरच महाड औद्योगिक वसाहती मधील सीईटीपी या यंत्रणेकडून देखील या संदर्भात विशेष चौकशी होणे आवश्यक असल्याची मागणी परिसरातील ग्रामस्थांकडून तसेच कामगार वर्गातून केले जात आहे.
प्रदूषित पाण्याचे नमुने घेण्याचे सोपास्कार केवळ प्रदूषण नियंत्रण महामंडळाचे अधिकारी करतात मात्र या नमुनाचे पुढे काय झाले हा मात्र चिंतेचा विषय बनला आहे महाड औद्योगिक वसाहती मधील टेमघर नाल्यात वारंवार होणार प्रदूषण हे कोणत्या कंपनीतून होते हे प्रदूषण नियंत्रण महामंडळाचे अधिकाऱ्यांना माहीत असताना देखील कंपनी बचाव धोरण राबवत असल्याने महाड औद्योगिक वसाहतीतील अनेक कंपन्या यामुळे बदनाम होत असल्या तरी प्रदूषणामुळे या परिसरातील स्थानिक ग्रामस्थांच्या जीवनावर मात्र मोठा परिणाम होत आहे प्रदूषण नियंत्रण महामंडळाचे अधिकारी जाणीवपूर्वक प्रदूषित करणाऱ्या कंपन्यांना वाचवण्याचे काम राजकीय वरद असताना करत असल्याची चर्चा महाड औद्योगिक वसाहतीतील कंपन्यांमधील कामगारांकडून ऐकण्यास मिळते