मुंबई (मिलिंद माने) भाजपा प्रदेशाध्यक्षपदी कोकणचे सुपुत्र रवींद्र चव्हाण यांची वर्णी लागल्यानंतर एकेकाळी शिवसेनेचा बालेकिल्ला असणाऱ्या रत्नागिरी जिल्ह्यावर भाजपाने लक्ष केंद्रित केले असून चिपळूण विधानसभा निवडणुकीत राष्ट्रवादी काँग्रेस शरद पवार गटाकडून निवडणुकीत उभे राहिलेले प्रशांत बबन यादव यांना पराभवाचा सामना पत्करावा लागल्यानंतर त्यांचा भाजपा पक्षप्रवेश. केल्यानंतर दापोली विधानसभा मतदारसंघातील मनसेचे खेडचे माजी नगराध्यक्ष वैभव खेडेकर यांचा पक्षप्रवेश करून रत्नागिरी जिल्ह्यात स्थानिक स्वराज्य संस्थांच्या निवडणुकीसह विधानसभा निवडणुकीत भाजपा एक नंबर करण्याचा प्रयत्न होत असल्याने कोकणात शिंदे गटात धाकधूक वाढली असल्याचे चित्र पाहण्यास मिळत आहे
शिवसेना पक्षप्रमुख हिंदू हृदय सम्राट बाळासाहेब ठाकरे यांच्या कारकिर्दीमध्ये रत्नागिरी जिल्हा मध्ये स्थानिक स्वराज्य संस्थांपासून ते विधानसभा व लोकसभेपर्यंत सर्वच लोकप्रतिनिधी शिवसेना पक्षाचे होते कोकणात यामुळे शिवसेनेला मोठा जनाधार होता त्यानंतर सिंधुदुर्ग जिल्ह्यात देखील राणे सोडल्यास वैभव नाईक व केसरकर यांनी शिवसेनेचे अस्तित्व टिकवून ठेवले होते मात्र शिवसेना पक्षात फूट पडल्यानंतर कोकणातील शिवसेनेचे अस्तित्व मात्र कमी होत चालल्याचे चित्र पाहण्यास मिळत आहे
रत्नागिरी जिल्ह्यात. सन २०१९ च्या विधानसभा निवडणुकीत राजापूर मधून राजन साळवी ,रत्नागिरी मधून उदय सामंत, गुहागर मधून भास्करराव जाधव व खेड मधून योगेश कदम व चिपळूण मधून राष्ट्रवादीचे शेखर निकम यांचा अपवाद सोडला तर रत्नागिरी जिल्ह्यात शिवसेनेचे अस्तित्व स्थानिक स्वराज्य संस्थांपासून जिल्हा पातळी ते विधानसभा लोकसभेपर्यंत कायम होते मात्र२०२२. मध्ये शिवसेना पक्षात फूट पडल्यानंतर रत्नागिरी जिल्ह्यात देखील शिवसेनेला घरघर लागली व २०२४च्या विधानसभा निवडणुकीत. रत्नागिरी राजापूर, व दापोली. हे मतदार संघ शिवसेना पक्षाच्या हातून निसटले व ते शिवसेना शिंदे गटाकडे गेले तर चिपळूण मध्ये राष्ट्रवादी काँग्रेस अजित पवार पक्षाचा आमदार निवडून आला केवळ गुहागर विधानसभा मतदारसंघात एकमेव भास्करराव जाधव हे शिवसेना उद्धव बाळासाहेब ठाकरे पक्षाकडून निवडून आले मात्र ते देखील फार कमी मताने निवडून आले त्यानंतर राजापूरचे माजी आमदार राजन साळवी व दापोली विधानसभा मतदारसंघातून विधानसभा निवडणुकीत पराभूत झालेले संजयराव कदम यांनी देखील शिंदे गटाची वाट पकडली यामुळे रत्नागिरी जिल्ह्यात शिवसेनेला पूर्णतः घरघर लागली ही घरघर थांबण्याचे नावच घेत नाही . त्यातच मुख्यमंत्रीपद शिंदे गटाकडून भाजपाकडे गेल्याने व प्रदेशाध्यक्ष पद हे कोकणाकडे आल्याने कोकणात हातपाय रोवण्याचे काम भाजपाने आता नव्याने चालू केल आहे
कोकणातील रत्नागिरी जिल्ह्यात भाजपाने आपले बस्तान पूर्ण ताकतीने वाढविण्याचा प्रयत्न चालू केला असून त्यातच स्थानिक स्वराज्य संस्थांच्या निवडणुका येत्या काळात होणार असल्याने या पार्श्वभूमीवर कोकणातील रत्नागिरी जिल्ह्यात शिवसेना शिंदे गट व राष्ट्रवादी काँग्रेस अजित पवार गट यांना धोबीपछाड करण्याचा निर्णय नूतन प्रदेशाध्यक्ष रवींद्र चव्हाण यांनी घेतला असून प्रदेशाध्यक्ष होताच त्यांनी चिपळूण विधानसभा मतदारसंघातून निवडणूक लढलेले प्रशांत यादव यांचा पक्षप्रवेश घेऊन त्याची सुरुवात केली आहे त्यानंतर त्यांनी आपला मोर्चा शिंदे गटाचे दापोलीचे आमदार योगेश रामदास कदम यांच्या बालेकिल्ल्यात चालविला असून मनसेचे खेडचे माजी नगराध्यक्ष वैभव खेडेकर यांचा पक्षप्रवेश करून शिंदे गटाला घरघर लावण्याचा प्रयत्न त्यांनी या माध्यमातून चालविला आहे या भाजपाच्या नवीन खेळीमुळे शिवसेना शिंदे गटामध्ये धाकधूक निर्माण झाली आहे त्यातच रत्नागिरीचे पालकमंत्री उदय सामंत व त्यांचे बंधू . किरण सामंत हे राजापूर विधानसभा मतदारसंघातून शिंदे गटाकडून निवडून आले असले तरी बदलत्या राजकारणाचा विचार करता ते कधीही भाजपात प्रवेश करू शकतात. ही चर्चा रत्नागिरी जिल्ह्यात ऐकण्यास मिळत आहे
सन २०२९च्या विधानसभा निवडणुकीत. किंवा शिवसेना पक्ष फुटीचा निकाल जर सर्वोच्च न्यायालयात लागला व त्यातून शिंदे गटाचे धनुष्यबाणचिन्ह पुन्हा उद्धव ठाकरे यांना मिळाले तर व त्या ठिकाणी पुन्हा पोट निवडणूक झाल्यास त्या ठिकाणी भाजपा उमेदवार निवडणुकीसाठी रिंगणात उतरवण्याच्या तयारीत असल्याने संभाव्य विधानसभा मतदारसंघातील मातब्बर नेत्यांच्या पक्षप्रवेश अगोदरच घेऊन त्यांना आर्थिक व राजकीय ताकद देऊन मतदार संघ सक्षम करण्यासाठी भाजपाने हे पाऊल उचलले असून त्यासाठी त्यांनी संभाव्य विधानसभा मतदारसंघातील अन्य पक्षातील नेत्यांना फोडून भाजपा पक्ष प्रवेश घेण्याचा प्रयत्न या निमित्ताने चालवल्याचे बोलले जात आहे
वैभव खेडेकरांच्या भाजपा प्रवेशाने मनसेच्या कोकणातील अस्तित्वावर प्रश्नचिन्ह?
खेडचे माजी नगराध्यक्ष वैभव खेडेकर यांच्या भाजपा पक्षप्रवेशामुळे मनसेने कोकणातील मातब्बर नेता गमावला असून कोकणातील मनसेच्या अस्तित्व किमान रत्नागिरी जिल्हा पुरता तरी संपुष्टात आल्याचे चित्र या निमित्ताने अधोरेखित होत आहे ज्यांनी विरोधात राहून देखील खेळ नगरपरिषदेवर मनसेचा झेंडा एक हाती फडकविला अशा जनतेतून मास लीडर असणाऱ्या मातब्बर नेत्याला मनसेने गमावणे म्हणजे सामान्य कार्यकर्त्यांवर अन्याय करणे अशी प्रतिक्रिया मनसेच्या कार्यकर्त्यांकडून खाजगीत व्यक्त केली जात आहे
दापोली विधानसभा मतदारसंघातून कदम पर्व संपुष्टात येणार?
एकेकाळी खेड विधानसभा मतदारसंघात तु. बा.कदम, रामदास कदम, संजयराव कदम, व योगेश कदम या कदम बंधूंनी आधी राज्य केले परंतु पूर्वीचा खेड व आत्ताचा दापोली विधानसभा मतदारसंघातील सामान्य जनतेकडून पर्व संपुष्टात आणण्यासाठीच खेडमधीलच मातब्बर युवा नेते वैभव खेडेकर यांचा भाजपा पक्षप्रवेश होत असून भविष्यात २०२९ च्या विधानसभा निवडणुकीत . दापोली विधानसभा मतदार संघातून वैभव खेडेकर हे विधान सभेत पोहोचलेली दिसतील अशीच मंडणगड दापोली खेड या परिसरातल्या सर्व खेडूपाड्यातील ग्रामस्थांकडून चर्चा ऐकण्यास मिळते आहे
नवरात्रीच्या दुसऱ्या किंवा तिसऱ्या माळेलाच पक्षप्रवेश!
खेडचे मनसे चे माजी नगराध्यक्ष वैभव खेडेकर यांचा ४. सप्टेंबर रोजी भाजपा मुंबईमध्ये भव्यश्लोक दिमागदार सोहळ्यात पक्षप्रवेश होणार होता. मात्र मनोज जरांगे पाटील यांच्या मराठा समाजासाठी केलेल्या आरक्षण आंदोलनानंतर ओबीसी आंदोलनाचा भडका उडाल्याने वैभव खेडेकरांचा पक्षप्रवेश लांबणीवर पडला त्याचं त्यातच पितृपक्ष चालू झाल्याने आणखी विलंब लागला मात्र आता २२ सप्टेंबर पासून. नवरात्र उत्सवाला प्रारंभ होत आहे नवरात्र उत्सवाच्या पार्श्वभूमीवरच दुसऱ्या किंवा तिसऱ्या माळेला म्हणजे २३ सप्टेंबर रोजी वैभव खेडेकरांचा भाजपामध्ये प्रवेश होऊन कोकणात भाजपा मिशनला नव्याने सुरुवात होणार असल्याचे चित्र या या निमित्ताने पाहण्यास मिळत आहे मात्र वैभव खेडेकरांच्या भाजपा पक्ष प्रवेशामुळे दापोली विधानसभा मतदारसंघात शिंदे गटातील नाराज शिवसैनिक वैभव खेडेकरांच्या पक्ष प्रवेशाची. वाट पाहत असल्याचे चित्र दापोली विधानसभा मतदारसंघातील ग्रामीण भागात पाहण्यास मिळत आहे