महाड (मिलिंद माने) मागील शनिवारी १ नोव्हेंबर रोजी महाड शहरातील चवदार तळे येथे. पंकज प्रेम मेकर या त्यांच्या दुकानात महाराष्ट्र नवनिर्माण सेनेचे शहराध्यक्ष पंकज उमासरे यांना शिवसेना शिंदे गटाच्या शिवसैनिकांकडून करण्यात आलेल्या मारहाणी संदर्भात आज पोलीस प्रशासनाने सर्व आठ आरोपींना न्यायालयात हजर केले असता प्रमुख दोन आरोपींना जामीन तर अन्य सहा आरोपींना नोटीसा बजावण्यात आल्याची माहिती महाड शहर पोलीस निरीक्षक रमेश तडवी यांनी पत्रकारांशी बोलताना दिली आहे.
यासंदर्भात सायंकाळी. ७ नोव्हेंबर रोजी पत्रकारांशी संवाद साधताना पोलीस निरीक्षक रमेश तडवी यांनी या घटनेतील मुख्य आरोपी रोहन किसन धेंडवाल व प्रशांत संजय शेलार यांना जामीन मंजूर करण्यात आला असून उर्वरित धनंजय शिवराम मालुसरे, सौजन्य विलास कानेकर, सागर उर्फ भावड्या संजय सुर्वे ,नीरज संदीप खेडेकर, श्रीमती सपना सुभाष मालुसरे ,श्रीमती प्रतिभा उर्फ सुनंदा प्रकाश पवार यांना भारतीय ना सू च २६ २३चे कलम ३५ ३०अन्वये नोटीस देण्यात आल्याचे. पोलीस निरीक्षक रमेश तडवी यांनी स्पष्ट केले.
मागील शनिवारी १ नोव्हेंबर रोजी ही घटना घडल्यानंतर ठाणे जिल्हा मनसे अध्यक्ष अविनाश जाधव यांनी मंगळवारी ४ नोव्हेंबर रोजी महाड शहर पोलीस ठाण्याला आपल्या सहकाऱ्यांसह भेट देऊन मनसे शहराध्यक्ष पंकज उमासरे यांच्यावर झालेल्या हल्ल्याप्रकरणी तातडीने आरोपींना अटक करावी अशी मागणी करून शनिवारपूर्वी त्याची पूर्तता न झाल्यास सोमवारी महाड शहर बंदची हाक दिली होती.
यासंदर्भात आज पत्रकारांनी पोलीस निरीक्षक रमेश तडवी यांना विचारणा केली असता कोणत्याही संघटनेमार्फत आपल्याला या संदर्भात आत्तापर्यंत नोटीस प्राप्त झाली नसल्याचे स्पष्ट केले.
फिर्यादी पंकज उमासरे सध्या मुंबई येथील के. इ.एम रुग्णालयात उपचार घेत असून त्यांच्या संदर्भात अधिकचा तपशील प्राप्त झाल्यावर या प्रकरणी अधिक खुलासा करणे स्पष्ट होईल असे पोलीस निरीक्षक रमेश तडवी यांनी सांगितले.
. मनसे शहराध्यक्ष पंकज उमासरे मारहाण प्रकरणी संबंधित आरोपींचे फोन तपासले जात असून, या तपासा कामी तपास अधिकारी बदलण्या चे आदेश महाडचे उपविभागीय पोलीस अधिकारी शंकर काळे यांनी दिल्याची माहिती पोलीस निरीक्षक रमेश तडवी तडवी यांनी पत्रकारांना दिली.
मनसे पक्षाकडून या संदर्भात देण्यात आलेल्या शनिवारच्या मुदतीपूर्वीच महाड पोलीस प्रशासनाने केलेल्या कारवाईनंतर आता मनुषेने जाहीर केलेल्या सोमवारी महाड बंद बाबत आपली पुढील भूमिका काय घेते याकडे महाडकरांचे लक्ष लागले आहे.
याप्रकरणी महाड न्यायालयात रुपेश जाधव, राकेश गांधी रुपेश जाधव यांनी आरोपींतर्फे न्यायालयात बाजू मांडली तर सरकारी अभियोगता म्हणून क्रांती कदम यांनी बाजू मांडली