मुंबई : विविध समस्यांमुळे ग्रासलेल्या मुंबईतील पागडीच्या १३,८०० इमारतींचा पुनर्विकास १०० वर्षांपेक्षा जास्त काळ रखडून पडलेला आहे . पगडीसाठी अमलात आणलेल्या 79 A कायदा राबवण्यात म्हाडा मनपा अधिकारी दिरंगाई करत असल्यामुळे १५००० पागडी धारकांचे जीव टांगणीला लागले आहेत. इमारतींची अवस्था अक्षरशः जरजर व बिकट झाली आहे प्रशासन कायदा राबवण्यात सपशेल अपयशी ठरल्याचा आरोप पागडी एकता संघाने केला आहे. त्या विरोधात येत्या १६ जुलै रोजी मुंबईतल्या ऑगस्ट क्रांती मैदानात सकाळी ११ वाजता पागडी धारक धडक मोर्चा काढणार असल्याचे जाहीर करण्यात आले आहे.
पागडीच्या १६० इमारतींना C१ नोटिसा, ९६ इमारती अति धोकादायक घोषित.पण १५,०००० हजार कुटुंबांचं भविष्य अजूनही अंधारातच असल्याच एकता संघाने म्हटलं आहे. राहिवाश्यांची सुरक्षा आमच्यासाठी सर्वात महत्वाची आहे आम्ही सहकार्याला तयार असल्यााचं एकता संघाने जाहीर केले आहे .पण घरं परत कधी मिळणार? पुनर्विकास नेमका कधी सुरू होणार? सर्वांना हक्काचं घर मिळणार का? पुनर्विकास पूर्ण होई पर्यंत भाड मिळणार ना? या प्रश्नांची ठोस स्पष्ट उत्तरेच प्रशासनाकडे मागितली आहेत. पगडी एकता संघ एका पण रहिवाशावर अन्याय होऊ देणार नाही! या एकत्र आवाज उठवा हक्कासाठी लढा! असे आव्हान मुंबईतील समस्त पागडीधारकांना एकता संघाने केले आहे..त्यासाठी १६ जुलै रोजी सकाळी ११ वाजता पगडी धारकांचा धडक मोर्चा आझाद मैदानावर धडक देणार आहे.
देशाची आर्थिक राजधानी म्हणून ओळखल्या जाणाऱ्या मुंबईची बकाल अवस्था झाली आहे. दक्षिण मुंबईतील १३८०० चाळींच्या दुरावस्थेकडे पाहिल्यावर त्यांची बिकट अवस्था दिसून येते. मूळ मुंबईकर मतदारांना गृहीत धरून निवडणुक काळात फक्त पोकळ आश्वासने देऊन फसवणूक केली जात आहे. एकीकडे मुंबईतील घरांच्या किमती गगनाला भिडत आहेत तर दुसरीकडे राहते चाळीतले आमचे घर झोपडीपेक्षाहि जास्त जर्जर व दुरावस्थेत आहे. आपल्या घराच्या, आपल्या अस्तित्वाच्या या समस्येला वाचा फोडण्यासाठी सर्वांनी संघटित होऊन १६ जुलै रोजी सकाळी
पगडी एकता संघा तर्फे धडक मोर्चाची हाक देण्यात आल्याचे संघाचे अध्यक्ष मुकेश शहा यांनी सांगितले आहे.