महाड (प्रतिनिधी) महाड विन्हेरे राज्य मार्गावरील रेवताळी फाटा ते फाळकेवाडी या११ किलोमीटरच्या अंतरात रस्त्याच्या दोन्ही बाजूला वाढलेल्या गवतामुळे वाहनांचे अपघाताचे प्रमाण वाढले असताना साईड पट्ट्यांवरील गवत काढण्याबाबत सार्वजनिक बांधकाम उपविभागीय अभियंता तुकाराम सनाळकर यांच्या बेजबाबदारपणामुळे अपघात घडल्यास सार्वजनिक बांधकाम विभाग जबाबदार राहणार का असा सवाल या परिसरातील ग्रामस्थ सार्वजनिक बांधकाम विभागाला विचारीत आहेत
महाड फाळकेवाडी राज्य मार्ग हा २३ किलोमीटरचा. राज्य मार्ग असून या मार्गावरून खेड ,रत्नागिरी या . मार्गावर जाणारी वाहने कशेडी घाटाला पर्यायी रस्ता असल्याने या मार्गावरून जातात मात्र . रेवतळे फाटा ते फाळकेवाडी पर्यंतच्या रस्त्यावर मोठ्या प्रमाणावर गवताचे साम्राज्य पसरले आहे रस्त्याच्या दोन्ही दुतर्फा वाढलेले गवत काढण्याचे काम सार्वजनिक बांधकाम उपविभाग महाड यांच्याकडून नेमण्यात आलेल्या खाजगी ठेकेदारा मार्फत करण्यात येते. मात्र सार्वजनिक बांधकाम उपविभागाचे उपविभागीय अभियंता तुकाराम सनाळकर यांच्या दुर्लक्षितपणामुळे या वाढलेल्या गवतामुळे रस्त्याच्या दोन्ही बाजूकडील साईड पट्ट्या वाहन चालकांना दिसत नाहीत तसेच वाढलेले गवत रस्त्यावर आल्याने दुचाकी स्वारासहित ,चार चाकी वाहनांना देखील अपघात झाल्याच्या घटना घडल्या आहेत मात्र किरकोळ दुखापत वगळता गंभीर दुखापत न झाल्याने या घटना उघडकीस आलेल्या नाहीत
वाढलेल्या गवत बिबट्या व रानडुकरांचे आश्रयस्थान!
महाड फाळकेवाडी राज्य मार्गावरील रेवतळे फाटा ते फाळकेवाडी पर्यंतच्या रस्त्यावर दोन्ही बाजूच्या साईड पट्ट्या या गवताने वेढलेल्या असून रस्त्याच्या बाजूला असणारे गार्ड स्टोन तसेच दिशादर्शक फलक देखील गवताने व वेलीने वेढले असताना सार्वजनिक बांधकाम विभागाचे शाखा अभियंता यांचे किती या राज्यमार्गाच्या देखभाल दुरुस्ती कडे लक्ष आहे हे यातून स्पष्ट होते सध्या दिवाळीचा सण असल्याने या मार्गावरून मोठ्या प्रमाणावर वाहनांची वाहतूक वाढली आहे तसेच सध्या भात कापणीचा हंगाम असल्याने व त्यातच या पट्ट्यात बिबट्या वाघाचा मोठ्या प्रमाणावर वावर आहे हे वाढलेले गवत बिबट्यांबरोबरच, रानडुकरांचे आश्रयस्थान निर्माण झाली आहेत या वाढलेल्या गवतातून वाहनांच्या समोर अचानक पणे बिबट्या व रान डुकरे रस्ता ओलांडत असल्याने एखादा मोठा अपघात झाल्यावर सार्वजनिक बांधकाम उपविभाग महाडचे उप अभियंता तुकाराम सनाळकर यांना जाग येणार का असा सवाल या राज्य मार्गावरून प्रवास करणाऱ्या जनतेतून विचारला जात आहे