“टीम अखदास फिटनेस क्लबचा भव्य उद्घाटन सोहळा उत्साहात संपन्न; आपला रुपेश फाउंडेशन आणि अखदास वेल्फेअर असोसिएशन यांचा संयुक्त उपक्रम

मुंबई | प्रतिनिधी : दिनांक २६ सप्टेंबर २०२५ रोजी कल्याण स्ट्रीट,दाना बंदर, येथे टीम अखदास फिटनेस क्लबचा भव्य उद्घाटन सोहळा उत्साहात पार पडला. आपला रुपेश फाउंडेशन आणि अखदास वेल्फेअर असोसिएशन यांच्या संयुक्त सहकार्याने हा उपक्रम राबविण्यात आला.

कार्यक्रमाचे वैशिष्ट्य म्हणजे गरजू नागरिकांना धान्य वाटप करण्यात आले तसेच मोफत जिमची सुविधा खुली करून देण्यात आली. या सुविधेमुळे परिसरातील युवकांचे आरोग्यदृष्टीने प्रबोधन होणार असून, समाजाला मोठा लाभ मिळणार आहे.

या प्रसंगी सहायक पोलीस आयुक्त तनविर शेख यांनी प्रमुख पाहुणे म्हणून उपस्थित राहून उद्घाटन सोहळ्याची शोभा वाढवली. त्यांनी समाजात अशा सकारात्मक उपक्रमांची गरज असल्याचे मत व्यक्त केले तसेच कार्यक्रमास आपला रुपेश फाउंडेशनचे अध्यक्ष रुपेश रमेश पाटील, अखदास वेल्फेअर असोसिएशनचे अध्यक्ष आरफत शेख आणि मास शेख हे मान्यवरही उपस्थित होते.

कार्यक्रमाचे आयोजन शिस्तबद्ध आणि प्रेरणादायी ठरले. स्थानिक नागरिकांनी आणि युवा वर्गाने मोठ्या संख्येने उपस्थित राहून या उपक्रमाला भरभरून पाठिंबा दर्शविला. कार्यक्रमाच्या यशस्वीतेबद्दल आयोजकांनी सर्व उपस्थितांचे मन:पूर्वक आभार मानले आणि समाजहितासाठी अशाच उपक्रमांद्वारे कार्यरत राहण्याचा निर्धार व्यक्त केला

Leave a Reply

Your email address will not be published. Required fields are marked *