नवी मुंबई – कळंबोली पोलिस मुख्यालय येथे पार पडलेल्या मुंबई विभाग स्तरीय शालेय कुस्ती स्पर्धांमध्ये भाईंदर पश्चिम येथील श्री गणेश आखाड्याच्या पैलवानांनी आपली झलक दाखवत घवघवीत यश मिळवले.
या स्पर्धेमध्ये आखाड्यातील एकूण सहा मुलींनी सहभाग घेतला होता. यामधील पै. तनुजा विनोद मांढरे हिने १४ वर्षांखालील ४२ किलो वजनी गटात द्वितीय क्रमांक मिळवत रौप्यपदक पटकावले, तर पै. मनस्वी दिलीप राऊत हिने १७ वर्षांखालील ६१ किलो वजनी गटात तृतीय क्रमांक मिळवत कांस्य पदकाची कमाई केली.
या दोन्ही पैलवान मुलींनी दाखवलेली मेहनत, कौशल्य आणि आत्मविश्वास हे इतर विद्यार्थ्यांसाठी प्रेरणादायी ठरले आहेत. त्यांच्या या यशाबद्दल श्री गणेश आखाड्याचे प्रशिक्षक व संपूर्ण टीमने अभिनंदन केले असून, पुढील स्पर्धांसाठी त्यांना शुभेच्छा दिल्या आहेत.