मुंबई – शिवसेना मुंबादेवी विधानसभा तर्फे विधानसभा संघटक रूपेश पाटील व महिला उपविभाग प्रमुख सौ. प्रिया रूपेश पाटील यांच्या माध्यमातून विविध सामाजिक व शैक्षणिक कार्यक्रम राबविले जात असतात. ज्येष्ठ नागरिकांचा सन्मान, शिवसेनेचा अभिमान ! या ब्रिद वाक्याखाली शिवसेनेकडून मुंबादेवी विधानसभा वॉर्ड क्र. २२३ मध्येजेष्ठ नागरिकांचा सन्मान आणि छत्री वाटपाचा कार्यक्रम नुकताच करण्यात आला होता. या कार्यक्रमा प्रसंगी मोठ्या प्रमाणात नागरिकांनी गर्दी करून कार्यक्रमाला प्रतिसाद दिला.
मुंबादेवी विधानसभा वॉर्ड क्र. २२३ मध्ये विधानसभा संघटक रूपेश पाटील व महिला उपविभाग प्रमुख सौ. प्रिया रूपेश पाटील यांच्या वतीने १५०० ज्येष्ठ नागरिकांचा यथोचित सन्मान आणि मोफत छत्री वाटप उपक्रम उत्साहात पार पडला. या उपक्रमास शिवसेना नेत्या मीनाताई कांबळी, शिवसेना प्रवक्त्या शायना एन. सी., विभागप्रमुख दिलीप नाईक, विधानसभा प्रमुख रेखा सुरणकरशाखाप्रमुख उमेश माने, संतोष यादव, दत्ता मोहिते, मुंबादेवी विधानसभा युवासेना विभाग प्रमुख अभय म्हात्रे, शिवसेनेचे पदाधिकारी तसेच आपला रुपेश फाऊंडेशनचे पदाधिकारी व सदस्य उपस्थित होते.