मीरा-भाईंदर – महाराष्ट्र राज्य अनुसूचित जाती आयोग, मुंबई यांच्या वतीने दि. २७ ऑक्टोबर २०२५ रोजी मीरा-भाईंदर महानगरपालिकेला अधिकृत दौरा आयोजित करण्यात आला आहे. या दौऱ्यात आयोगाचे उपाध्यक्ष मा. अॅड. धर्मपाल मेश्राम, तसेच सदस्य (सचिव दर्जा) मा. महाराष्ट्र राज्य अनुसूचित जाती आयोग सहभागी राहणार आहेत.
या संदर्भात महानगरपालिकेच्या उपआयुक्त (मुख्यालय) कपिला पिंपळे यांनी सर्व विभागप्रमुखांना सूचना देत पत्र जारी केले आहे. आयोगाचा दौरा सकाळी ९.३० वाजता महानगरपालिकेच्या मुख्य कार्यालयाच्या दुसऱ्या मजल्यावर आयोजित करण्यात येणार आहे.
या भेटी दरम्यान आयोगाचे सदस्य शहरातील अनुसूचित जाती समाजासंबंधी विविध प्रश्न, तक्रारी आणि शासकीय योजना अंमलबजावणीची स्थिती यांचा आढावा घेणार असल्याची माहिती प्रशासनाने दिली आहे.
प्रशासनाकडून सर्व विभाग प्रमुख व अधिकारी यांना वेळेवर उपस्थित राहण्याच्या व आवश्यक माहितीची पूर्तता करण्याच्या सूचना देण्यात आल्या आहेत.