रायगड- भारताचे लोहपुरुष सरदार वल्लभभाई पटेल यांच्या १५० व्या जयंतीनिमित्त RunForUnity या एकात्मतेच्या धाव कार्यक्रमाचे आयोजन अलिबाग शहरात करण्यात आले.
या कार्यक्रमात जिल्हाधिकारी रायगड, पोलीस अधीक्षक रायगड, तसेच विविध शासकीय अधिकारी, कर्मचारी, नागरिक, शाळा आणि महाविद्यालयांतील विद्यार्थी मोठ्या संख्येने सहभागी झाले.
कार्यक्रमाच्या माध्यमातून राष्ट्रीय एकता, एकजूट आणि देशभक्तीचा संदेश देण्यात आला. सहभागी नागरिकांनी “एक भारत, श्रेष्ठ भारत” या घोषणांद्वारे देशाच्या अखंडतेचा संकल्प पुनः दृढ केला.
या प्रसंगी जिल्हा प्रशासनाच्या वतीने उपस्थितांना सरदार पटेल यांच्या राष्ट्रनिर्मितीतील योगदानाची माहिती देण्यात आली.
कार्यक्रमाचे आयोजन जिल्हा प्रशासन, पोलिस विभाग, शिक्षण विभाग आणि स्थानिक स्वराज्य संस्थांच्या सहकार्याने करण्यात आले.