भाईंदर – भाईंदर पश्चिमेतील रायगाव तलावाजवळ एका खोलीत सुरू असलेल्या जुगार अड्ड्यावर मिरा भाईंदर वसई विरार पोलीस आयुक्तालयाच्या विशेष पथकाने छापा टाकत १८ जुगाऱ्यांना ताब्यात घेतले आहे. या कारवाईत सुमारे पाच लाख रुपयांची रोकड आणि १६ मोबाईल हँडसेट जप्त करण्यात आले आहेत.
झोन १ चे पोलीस उपायुक्त राहुल चव्हाण (IPS) यांना मिळालेल्या खात्रीशीर माहितीच्या आधारे, झोन १ डीसीपी कार्यालय, मीरा रोड व भाईंदर पोलीस स्टेशनच्या संयुक्त पथकाने ही धडक कारवाई केली.
जुगार अड्डा चालवणारा मुख्य आरोपी सध्या फरार असून, पोलीस त्याचा शोध घेत आहेत. त्याला वाँटेड घोषित करण्यात आले आहे. घटनास्थळी मोठ्या प्रमाणात रोख रक्कम आणि मोबाइल सापडल्यामुळे यामागे संगठित रॅकेट असण्याची शक्यता पोलिसांनी वर्तवली आहे.
ही कारवाई पोलीस उपायुक्त राहुल चव्हाण यांच्या मार्गदर्शनाखाली
API संतोष सांगवीकर (मीरा रोड पोलीस ठाणे), PSI अजय मंडोळे,
झोन १ डीसीपी कार्यालय, मीरा रोड आणि भाईंदर पोलीस ठाण्याच्या अधिकाऱ्यांनी संयुक्तपणे केली.
ताब्यात घेतलेल्या १८ आरोपींविरुद्ध जुगार प्रतिबंधक कायद्यानुसार गुन्हा नोंदवण्यात आला असून, भाईंदर पोलीस ठाण्या मार्फत पुढील तपास सुरू आहे.