मीरा-भाईंदर – शहरातील रस्ते, चौक, फूटपाथ आणि सार्वजनिक ठिकाणांवर अनधिकृतरीत्या अतिक्रमण करणाऱ्या फेरीवाल्यांविरोधात तात्काळ आणि सातत्यपूर्ण कारवाई करण्याचे आदेश मीरा-भाईंदर महानगरपालिका आयुक्त तथा प्रशासक राधाबिनोद अ. शर्मा (भा.प्र.से.) यांनी दिले आहेत.
शुक्रवार, दि. ३ ऑक्टोबर २०२५ रोजी झालेल्या अतिक्रमण विभागाच्या आढावा बैठकीत त्यांनी हा निर्णय घेतला. या बैठकीस उपायुक्त (मुख्यालय) कल्पिता पिंपळे, सर्व प्रभाग सहाय्यक आयुक्त तसेच वाहतूक पोलिस विभागाचे प्रतिनिधी उपस्थित होते.
बैठकीतील प्रमुख मुद्दे:
रस्ते व फूटपाथवरील अनधिकृत फेरीवाले आणि अतिक्रमण हटविण्याची गरज
वाहतूक कोंडी व नागरिकांच्या गैरसोयीचे मुद्दे
सार्वजनिक स्वच्छतेवर होणारा नकारात्मक परिणाम
आयुक्त शर्मा यांनी स्पष्टपणे सांगितले की,”शहरात शिस्त राखण्यासाठी अतिक्रमण विभागाने तत्काळ, प्रभावी व सातत्यपूर्ण कारवाई करावी. नागरिकांना कोणत्याही प्रकारचा त्रास होऊ नये यासाठी कोणतीही अडथळा न घेता ठोस पावले उचलावीत.”
*काय होणार कारवाईत?*
अनधिकृत फेरीवाल्यांविरोधात संयुक्त मोहीम
वाहतूक पोलिसांशी समन्वयाने अंमलबजावणी
वारंवार अतिक्रमण करणाऱ्यांवर कठोर कारवाई
महानगरपालिकेच्या या निर्णयामुळे शहरातील वाहतूक सुरळीत होण्यास, सार्वजनिक ठिकाणे मोकळी होण्यास आणि नागरिकांना दिलासा मिळण्यास मदत होईल, अशी अपेक्षा व्यक्त केली जात आहे.