महाड( मिलिंद माने) राज्यातील महायुती सरकारमधील फलोत्पादन मंत्री गोगावले यांचे पुत्र विकास गोगावले कामगार मंडळाच्या कार्यक्रमाचा अनधिकृत रित्या ताबा घेऊन कार्यक्रम घेत असल्याची तक्रार शिरगाव गावचे सरपंच व उद्धव बाळासाहेब ठाकरे पक्षाचे महाडचे नेते सोमनाथ दिगंबर ओझर्डे यांनी केल्याने मंत्री गोगावले पुन्हा वादात पडण्याची शक्यता व्यक्त केली जात आहे
महाड शहरातील वीरेश्वर देवस्थान मंदिराच्या सभागृहात आयोजित करण्यात आलेल्या कामगार मंडळाचा कार्यक्रम संवैधानिक पदावरील व्यक्तीच्या हस्ते करण्याचे शासकीय धोरण असताना या कार्यक्रमाचा शुभारंभ फलोत्पादन मंत्री भरत गोगावले यांचे पुत्र मंत्री महोदयांच्या अनुपस्थित करीत असल्याची तक्रार शिरगाव गावचे सरपंच व उद्धव बाळासाहेब ठाकरे पक्षाचे नेते सोमनाथ दिगंबर ओझर्डे यांनी केल्यानंतर त्यांना गुंडांकडून मारहाण करण्याच्या धमक्या देण्यात येत असल्याची तक्रार शिरगाव गावचे सरपंच सोमनाथ दिगंबर ओझर्डे यांनी केल्याने राज्याचे फलोत्पादन मंत्री पुन्हा एकदा नव्यावादात सापडल्याची चर्चा रायगड जिल्ह्यात पुन्हा एकदा राजकीय गोटात चर्चिली जाऊ लागली आहे
महाड मधील वीरेश्वर देवस्थान ट्रस्ट सभागृहामध्ये सकाळी दहा वाजता कामगार मंडळाकडून आयोजित करण्यात आलेल्या कार्यक्रमास शिरगाव गावचे सरपंच सोमनाथ ओझर्डे हे जाण्यासाठी निघाले असता कार्यक्रमापूर्वी महाडचे उपविभागीय पोलीस अधिकारी शंकर काळे व महाड शहर पोलीस ठाण्याचे पोलीस निरीक्षक तडवी यांनी त्यांना या कार्यक्रमात स्थळी जाण्यास मज्जाव केला या कार्यक्रमास का जाऊ नका असे ओझर्डे यांनी पोलिसांना विचारले असता तुम्हाला सुरक्षेच्या दृष्टिकोनातून जाण्यास मज्जाव करण्यात येत असल्याचे यावेळी पोलिसांनी ओझर्डे यांना स्पष्ट केले
. याबाबत प्रतिक्रिया देताना सोमनाथ ओझर्डे म्हणाले की मी त्यांना विचारलं का जाऊ नये तो कार्यक्रम पक्षाचा नसून शासनाच्या वतीने जे काही एक उपक्रम राबवला जातोय महाराष्ट्र बांधकाम कामगार कल्याणकारी मंडळ मुंबई यांच्या वतीने जे बांधकाम कामगार आहेत त्यांना त्या ठिकाणी जो वाटप काही भांडी वाटप असेल आणि कुठल्याही पक्षाचा कार्यक्रम नव्हता मग त्या ठिकाणी मला जाण्यापासून पोलिसांनी प्रतिबंध केला मी सरपंच आहे मला या कार्यक्रमाला जाऊ द्या असे ते सांगत होते मात्र तुमच्या सुरक्षिततेच्या दृष्टीने तुम्हाला जाता येणार नाही असे सांगून आम्हाला तुमच्या सुरक्षेतेसाठी या ठिकाणी यावं लागलंय असे उपविभागी पोलीस अधिकारी शंकर काळे व पोलीस निरीक्षक तडवी यांनी सांगितले.
. त्याबाबत बोलताना ओझर्डे म्हणाले की त्या ठिकाणी कार्यक्रम करायला हरकत नाही या कार्यक्रमात मंत्री महोदय उपस्थित असते तर आमची काही हरकत नाही परंतु आमदार पुत्र विकास गोगावले यांच्याकडे कुठलेही संवैधानिक पद नाही कुठलीही निवडणूक तो जिंकून आला नाही तो विजयी झाला नाही त्याचा हस्ते हा शासनाचा कार्यक्रम का केला जातो जो कार्यक्रम बांधकाम कामगारांसाठी करतात त्याबद्दल आमच्याबद्दल कुठल्याही प्रकारची वाईट भावना नाही फक्त या कार्यक्रमात शिंदे गटाच्या लोकांना लाभ दिला जातो बाकीच्या अन्य कोणत्याही लोकांना लाभ दिला जात नाही आणि बाकीच्या लोकांना कुठल्याही प्रकारचा लाभ दिला जात नसल्याचे सोमनाथ ओझर्डे यांनी सांगितले
या योजनेच्या माध्यमातून भ्रष्टाचार होतोय या योजनेच्या माध्यमातून कुठेतरी शासनाची फसवणूक होते असं आम्हाला जाणवते त्यामुळे या योजनेचे जे काही महाराष्ट्र इमारत व इतर बांधकाम कामगार कल्याणकारी मंडळाचे जे काही मुख्य . अधिकारी कुंभार आहेत यांच्याकडे महाराष्ट्र राज्याचे कॅबिनेट मंत्री भरत गोगावले आणि त्यांचा मुलगा विकास गोगावले यांच्या विरोधात तक्रार मी आता दाखल करणार असल्याचे सोमनाथ ओझर्डे यांनी सांगितले आहे.
जे काही चुकीच्या पद्धतीने हे लोक करतात त्याला आमचा शिवसेना उद्धव बाळासाहेब ठाकरे पक्षाचा १००% विरोध आहे जी काही हुकुमशाही चालली आहे कुठल्याही कार्यक्रमाला जायच्या अगोदर पोलिसांनी यायचं जाण्यापासून रोखायचं जर पोलिसांनी सुरक्षेच्या दृष्टिकोनातून केला असेल तर ठीक आहे परंतु पोलिसांना जर वाटत असेल माझ्या जीवाला धोका आहे त्या पोलिसांनी मला संरक्षण द्यावे एक. तर संरक्षण द्यायचे नाही . व आमच्या संवैधानिक अधिकार पदावर गधा आणायचं ही हुकूमशाही मोडून काढली पाहिजे असे सोमनाथ ओझर्डे यांनी सांगितले
जिल्हा पोलीस अधीक्षकांचे आभार
रायगड जिल्ह्याच्या पोलीस अधीक्षक आंचल दलाल यांनी आज मला जी काही संरक्षण दिले याबद्दल त्यांचे आभार व जो काही महाडमध्ये मंत्री गोगावले यांचा चुकीच्या पद्धतीने कारभार चाललाय त्याला आमचा विरोध राहील असे शिरगाव गावचे सरपंच सोमनाथ ओझर्डे यांनी सांगितले