मुंबई : दक्षिण मुंबईतील उमरखाडी परिसरातील सर्वोदय बिल्डिंग येथे शेड, ड्रेनेज लाईन, लादीकरण आणि पॅसेज कामांच्या उद्घाटन कार्यक्रमाला खासदार मिलिंद देवरा यांनी उपस्थित राहून नागरिकांशी संवाद साधला. या प्रसंगी त्यांनी परिसरातील विकासकामांचा आढावा घेत स्थानिक नागरिकांच्या अडचणी जाणून घेतल्या.
खासदार देवरा म्हणाले, “ही PMGP इमारती माझ्या हृदयाच्या जवळ आहेत. १९८५ मध्ये माझे वडील स्वर्गीय मुरलीभाई देवरा यांनी हा PMGP प्रकल्प मुंबईतील सामान्य लोकांना घर मिळावे या उद्देशाने सुरू केला होता. गेली वीस वर्षे मी त्यांच्या कार्याला पुढे नेत असून, येथील रहिवाशांना न्याय मिळवून देण्यासाठी सातत्याने प्रयत्नशील आहे.”
ते पुढे म्हणाले, “देशातील पहिली क्लस्टर पुनर्विकास योजना मी मुंबादेवी परिसरात आणली. आता कामाठीपुरा आणि उमरखाडी परिसरातील रहिवाशांसाठीही तीच योजना प्रत्यक्षात आणण्यासाठी प्रयत्नशील आहे. आपल्या सर्वांसाठी अधिक सुरक्षित, स्वच्छ आणि सुसज्ज परिसर निर्माण करणे हेच माझे ध्येय आहे.”
या कार्यक्रमाला शिवसेना नेत्या मीनाताई कांबळी,
शिवसेना उपनेते सुनिल नरसाळे,दक्षिण मुंबई लोकसभा समन्वयक प्रमोद मांद्रेकर ,
शिवसेना मुंबादेवी विधानसभा विभागप्रमुख रुपेश पाटील,
महिला विभाग प्रमुख सौ. रेखा सुरणकर, मुंबादेवी विधानसभा उपविभागप्रमुख सौ. प्रिया रुपेश पाटील, महिला शाखाप्रमुख प्रभा रमेश पाटील , महिला उपशाखाप्रमुख
सौ. प्राची जितेंद्र भोईर
शाखाप्रमुख जितेंद्र भोईर
तसेच उमरखाडी मंडळातील सर्व कार्यकर्ते, शिवसैनिक व स्थानिक रहिवासी मोठ्या संख्येने उपस्थित होते.