महाड तालुक्यातील आरोग्य सेवा देणाऱ्या (१०२) रुग्णवाहिकाना इंधनाची तांत्रिक अडचणी!!
मुख्य कार्यालयाकडे या संदर्भात प्रस्ताव सादर __प्रभारी आरोग्य अधिकारी डॉक्टर श्रीकांत बिराजदार!
महाड (प्रतिनिधी) : महाड तालुक्यातील ६ पैकी ५ प्राथमिक आरोग्य केंद्राच्या रुग्णवाहिकाना इंधनपुरवठा करण्याकरिता तांत्रिक अडचणी येत असल्याची धक्कादायक माहिती समोर आली आहे.
महाड तालुक्यातील वरंध, बिरवाडी, पाचाड, विन्हेरे, चिंभावे या प्राथमिक आरोग्य केंद्रांचा यामध्ये प्रामुख्याने समावेश आहे. रुग्णवाहिकेला इंधन नसल्यामुळे प्राथमिक आरोग्य केंद्रातील आरोग्य विभागाला गंभीर आजाराने त्रस्त असणाऱ्या रुग्णांना प्राथमिक आरोग्य केंद्रातून जिल्हा रुग्णालय अथवा तालुका रुग्णालया पर्यंत रुग्णसेवा देण्यास अडचणी येत असून अपघातग्रस्त, सर्पदंश, विंचूदंश, गरोदरमाता अशा रुग्णांचा. यामुळे जीव टांगणीला लागला आहे.
स्थानिक स्वराज्य संस्थांच्या निवडणुकीमुळे राजकीय नेते निवडणुकीत व्यस्त मात्र जनता त्रस्त?
आरोग्य विभागाला शासनाने वाऱ्यावर सोडल आहे का? असा प्रश्न आता. स्थानिक स्वराज्य संस्थांच्या निवडणुकीच्या पार्श्वभूमीवर उत्पन्न होत आहे स्थानिक स्वराज्य संस्थांच्या निवडणुकीत राजकीय नेते व्यस्त असून यामुळे मात्र जनता त्रस्त झाली आहे रुग्ण सेवेसारख्या रुग्णवाहिकेला इंधन पुरवठा करण्यात राज्य शासनाचे आरोग्य विभाग अपयशी असले तरी निवडणुकीत करोडो रुपये खर्च करणारे पुढारी मात्र स्वतःच्या खिशातून इंधनपुरवठा करू शकत नाही का असा सवाल या निमित्ताने उपस्थित होत आहे.
याबाबत महाड तालुका प्रभारी आरोग्य अधिकारी डॉक्टर बिराजदार यांच्याशी संपर्क केला असता त्यांनी याबाबत तांत्रिक अडचणींची माहिती देऊन मंत्री गोगावले यांच्या माध्यमातून जिल्हा परिषदे कडे याबाबतची अत्यावश्यक असलेली मंजुरी देण्याचे प्रस्ताव सादर केल्याचे स्पष्ट केले.
तालुका आरोग्य अधिकारी यांची दोन महिन्यापूर्वी बदली झाल्यानंतर त्यांच्या जागेवर नव्याने नियुक्ती करण्यात आली नसून प्रभारी कारभार सोपविण्यात आला आहे. महाड तालुक्यातील ५ ही आरोग्य केंद्राचे वैद्यकीय अधिकारी पद रिक्त असल्यामुळे तसेच वरिष्ठ कार्यालय रायगड जिल्हा परिषद यांच्याकडून ५ ही प्राथमिक आरोग्य केंद्राचे वैद्यकीय अधिकारी पद कार्यभार आदेश न केल्यामुळे रुग्णवाहिकेला इंधनाचा तुटवडा झाल्याचे समजते.
वैद्यकीय अधिकारी पद कार्यभार रिक्त असल्यामुळेच इंधनाची तांत्रिक अडचण निर्माण झाली आहे अशी माहिती महाड पंचायत समिती येथील कार्यालयीन सूत्रांकडून प्राप्त झाली