महाड (मिलिंद माने) महाड फाळकेवाडी बसला ताम्हणे गावाजवळ रस्ता निसरडा असल्यामुळे रस्त्याच्या बाजूला टायर खचल्याने झालेल्या अपघातात या बसमधून प्रवास करणाऱ्या दोन महिला किरकोळ जखमी झाल्या असून त्यांना विन्हेरे प्राथमिक आरोग्य केंद्रात उपचार करून घरी सोडून देण्यात आले
याबाबत अधिक माहिती अशी की महाड आगारातून महाड फाळकेवाडी बस क्रमांकMH.२०.BL.३०७४ या बसला ताम्हणे गावाजवळ दुपारी तीनच्या सुमारास ताम्हणे गावावरून महाड कडे जात असताना निसरड्या रस्त्यामुळे बसचा टायर खचून झालेल्या अपघातात या बसमधून प्रवास करणाऱ्या दोन महिला किरकोळ जखमी झाल्या
या बसमधून प्रवास करणाऱ्या महाड पंचायत समितीच्या माजी सभापती सत्यवान कदम यांच्या पत्नी व बाग अळी विन्हेरे येथील शरद नाना सकपाळ यांच्या पत्नीला दोन टाके पडले असून त्यांना प्राथमिक आरोग्य केंद्र विन्हेरे येथील रुग्णालयात उपचार करून घरी सोडून दिले आहे.
ताम्हणे गावाकडील जाणारा रस्ता हा एसटी वाहतुकीस धोकादायक झाल्याचे यावरून निष्पन्न होत असून सुदैवाने रस्त्याच्या बाजूला असणाऱ्या ंधार्यात जर ही बस गेली असती तर मोठा अनर्थ घडला असता या रस्त्याची जिल्हा परिषदेच्या बांधकाम विभागाने तातडीने दुरुस्ती करण्याची मागणी गावातील ग्रामस्थांकडून करण्यात येत आहे