पिसाळलेल्या कुत्र्याच्या हल्ल्यानंतर . रेबीज लस उपलब्ध न झाल्याने महाड रुग्णालयावर संताप व्यक्त
महाड ( मिलिंद माने ) :- तालुक्यातील कुर्ला गायकरवाडी येथे शुक्रवारी (दि. १९) रात्री एका पिसाळलेल्या कुत्र्याने गावातील चार नागरिकांवर जीवघेणा हल्ला केला. यामध्ये धोंडू तांबडे, सनी खेडेकर, मालती पवार व आणखी एका व्यक्तीला गंभीर दुखापत झाली आहे.
जखमींना तातडीने महाड ग्रामीण रुग्णालयात दाखल करण्यात आले; मात्र प्रतिबंधात्मक रेबीज लस उपलब्ध नसल्याने सर्वांना पहाटे तीनच्या सुमारास रुग्णांना ३० किलोमीटर अंतरावर असलेल्या माणगाव ग्रामीण रुग्णालयात हलवावे लागले. त्यामुळे महाड ग्रामीण रुग्णालयाच्या भोंगळ कारभाराचा मुद्दा पुन्हा ऐरणीवर आला आहे.
या घटनेची माहिती मिळताच, शिरगांव ग्रामपंचायतीचे सरपंच सोमनाथ ओझर्डे यांनी माणगांव उपजिल्हा रुग्णालयात जाऊन जखमींची चौकशी केली.
तद्‌नंतर, आज सकाळी त्यांनी महाड ग्रामीण रुग्णालयाला भेट दिली व अपुऱ्या सुविधांसाठी आपली तीव्र नाराजी व्यवत करित रुग्णालयाच्या इन्चार्ज डॉवटरांना कुलूप व चावी भेट दिली. आणि लवकरच सर्व सुविधा उपलब्ध न झाल्यास हेच कुलूप लावून आम्ही रुग्णालय बंद करु, असे सांगितले.
फक्त रुग्णालयांच्या इमारती बांधण्यावरच भर असून प्रत्यक्षात वैद्यकीय अधिकारी, औषधसाठा व सेवेकडे दुर्लक्ष होत असल्याचा आरोप देखील त्यांनी यावेळी बोलताना केला. शासनाने तातडीने महाड ट्रॉमा केअरमधील अत्यावश्यक रिक्त पदांवर नियुक्त्या कराव्यात व मुबलक औषधसाठा उपलब्ध करून द्यावा, अशी मागणी देखील त्यांनी यावेळी केली.
सोमनाथ ओझर्डे यांची आक्रमक भूमिका
• “महाड ट्रॉमा केअर रुग्णालयाला ‘टाळे’ भेट म्हणून दिले; पुढच्यावेळी टाळे लावूच!”
• महाड ग्रामीण रुग्णालयात रेबीज सिरम/लस उपलब्ध नसल्याचा निषेध.
• “सिरम माणगावला आहे, इथे का नाही?” असा प्रश्न उपस्थित.
• आयसीयू तयार असूनही बंद असल्याचा खुलासा; अधिकाऱ्यांकडून निधी व तांत्रिक कारणे ऐकून नाराजी.
• “निधी कमी पडत असेल तर आम्ही जनतेतून उभा करू; पण आयसीयू सुरु करा”
• पुढच्या आठवड्यात आयसीयू सुरु करणार अशी लेखी हमी द्यावी अशी मागणी.
• “लेखी हमी न दिल्यास किंवा ICU सुरु न झाल्यास रुग्णालयाला टाळे ठोकू” असा इशारा. सोमनाथ ओझर्डे यांनी दि