महाड (मिलिंद माने ) छत्रपती शिवाजी महाराजांची राजधानी असणाऱ्या ऐतिहासिक रायगड किल्ल्याच्या पायथ्याशी असलेल्या वरंडोली ग्रामपंचायत हद्दीमधील वरेकोंड गावांमध्ये बिबट्याने दोन पाळीव बैलांवर हल्ला केल्याने ते मृत्युमुखी पडल्याची घटना घडली असल्याने या परिसरात शेतकऱ्यांमध्ये भीतीचे वातावरण पसरले असून वनविभागाने तातडीने या बिबट्याला पकडण्यासाठी पिंजरा लावण्याची मागणी स्थानिक ग्रामस्थांकडून केली जात आहे
ऐतिहासिक किल्ले रायगडच्या पायथ्याशी असणाऱ्या वरंडोली गावामधील,.दयाराम निवगुणे आणि आनंद निवगुणे या दोन शेतकऱ्यांचे प्रत्येकी . एका पाळीव बैलांवर शेतकऱ्यांनी हल्ला केल्याने ते जागीच मृत्युमुखी पडल्याची घटना घडली आहे
ऐतिहासिक किल्ले रायगडच्या परिसरात मोठ्या प्रमाणावर वनसंपदा असल्याने मोठ्या प्रमाणावर बिबट्यासारख्या प्राण्यांचे अस्तित्व पाहण्यास मिळते मात्र मागील काही दिवसापासून अनेकांना शेतकऱ्यांना शेतीच्या कामानिमित्त बिबट्याचे दर्शन घडत आहे या बिबट्याची रायगड परिसरातील सुमारे वीस गावांमध्ये बिबट्याची दहशत रायगड परिसरामध्ये झाली आहे.
किल्ले रायगड च्या पायथ्याशी असणाऱ्या वरंडोली गावांमधील ज्या शेतकऱ्यांचे पाळीव बैलांवर बिबट्याने हल्ला केला त्यातील एका शेतकऱ्याच्या गावाशेजारील वाड्यामध्ये येऊन बिबट्याने एका बैलावर हल्ला केला त्यात तो तो जागीच मृत्युमुखी तर दुसरा शेतकऱ्याचा पाळीव बैल रानामध्ये करण्यासाठी गेला असता रानामध्ये बिबट्याने त्यावर हल्ला केला त्यामध्ये जागेस मृत्यूमुखी पडल्याची घटना घडली
या बिबट्याच्या दहशतीमुळे शेतकरी गुरे चारण्यासाठी. रानात जाण्यास घाबरत आहेत. त्याचप्रमाणे शेतीच्या कामानिमित्त जाणाऱ्या शेतकरी बांधवांमध्ये देखील मोठ्या प्रमाणावर बिबट्याच्या दहशतीचे साम्राज्य पाहण्यास मिळत आहे या मृत्युमुखी पडलेल्या पाळीव बैलांचा पंचनामा वन खात्याचे रायगड येथील वनपाल सुनील घोलप सांदोशी यांनी केला असून बिबट्या बाबत अधिक तपास महाड वनक्षेत्रपाल आशिष पाटील करीत आहेत,
शेतकऱ्यांच्या पाळीव जनावरांचा मोबदला मिळावा यासाठी गावातील शेतकऱ्यांनी महाड पंचायत समिती ,वनक्षेत्र पाल आणि कृषी कार्यालयाला अर्ज दिले असून त्यांची नुकसान भरपाई मिळावी यासाठी अर्ज केले आहेत शेतकऱ्यांना नुकसान नुकसान भरपाई मिळेल तेव्हा मिळेल परंतु हातचे आलेले दोन बैल गेल्यामुळे बिबट्याने मारल्यामुळे शेतकरी हवालदील झाले आहेत तसेच रायगड परिसरातील वीज गावांमध्ये मोठ्या प्रमाणावर बिबट्याची दहशत पसरली असल्याने या ठिकाणी बिबट्याला पिंजरा लावून पकडण्याची मागणी स्थानिक ग्रामस्थांकडून होत आहे