मुंबई | प्रतिनिधी : भारतीय हवामान विभागाने राज्यातील अनेक भागांमध्ये येत्या ३० सप्टेंबरपर्यंत मुसळधार ते अतिवृष्टीसारख्या पावसाचा इशारा दिला आहे. विशेषतः कोकण, मध्य महाराष्ट्र आणि मराठवाडा या भागांत पावसाची तीव्रता अधिक असणार असून, मुंबई, ठाणे, पालघर, रायगड, रत्नागिरी आणि सिंधुदुर्ग जिल्ह्यांमध्ये शहरी पूरस्थिती उद्भवण्याची शक्यता व्यक्त करण्यात आली आहे.
राज्य आपत्कालीन कार्य केंद्राकडून नागरिकांना सतर्क राहण्याचे आवाहन करण्यात आले असून, पुराच्या आपत्तीपासून संरक्षणासाठी खालील सूचना जारी करण्यात आल्या आहेत:
*नागरिकांसाठी सतर्कता निर्देश*
अधिकृत यंत्रणांकडून दिलेल्या सूचना व इशाऱ्यांचे पालन करावे.
धोकादायक व पुरप्रवण भागात जाणे टाळावे.
वीज पडत असताना झाडांखाली अथवा मोकळ्या जागेत थांबू नये.
पूरस्थिती उद्भवल्यास स्थानिक निवारा केंद्रांचा वापर करावा.
नदी-नाल्यांच्या पुलांवरून पाणी वाहत असल्यास रस्ता ओलांडू नये.
हवामान खात्याच्या अंदाजानुसार, पुढील काही दिवस समुद्र किनाऱ्यावरील व घाटमाथ्यावरील जिल्ह्यांमध्ये जोरदार ते अतीजोरदार पाऊस होण्याची शक्यता आहे. अशा वेळी स्थानिक प्रशासनाने देखील आवश्यक उपाययोजना करण्यास सुरुवात केली असून, मदत व बचाव पथक सज्ज ठेवण्यात आले आहे.
राज्यात कोकण, मध्य महाराष्ट्र आणि मराठवाडा भागात मुसळधार पावसाचा इशारा भारतीय हवामान विभागाने दिला आहे. काही ठिकाणी अतिवृष्टीची शक्यता वर्तवण्यात आली असून संभाव्य पूरस्थितीच्या पार्श्वभूमीवर राज्य आपत्कालीन कार्य केंद्राने जिल्हानिहाय आपत्कालीन संपर्क क्रमांक जाहीर केले आहेत.
राज्यभरात २४x७ कार्यरत असलेले अधिकारी व कर्मचारी या परिस्थितीवर सतत लक्ष ठेवून आहेत. नागरिकांनी कोणतीही अडचण भासल्यास तात्काळ खालील आपत्कालीन क्रमांकांवर संपर्क साधावा, असे आवाहन करण्यात आले आहे.
**जिल्हानिहाय आपत्कालीन संपर्क क्रमांक:*
*
जिल्हा संपर्क क्रमांक
धाराशीव ०२४७२-२२७३०१
सोलापूर ०२१७-२७३१०१२
बीड ०२४४२-२९९२९९
अहिल्यानगर ०२४१-२३२३८४४
परभणी ०२४५२-२२६४००
नांदेड ०२४६२-२३५०७७
लातूर ०२३८२-२२०२०४
रायगड ८२७५१५२३६३
रत्नागिरी ७०५७२२२३३
पालघर ०२५२५-२९७४७४
सिंधुदुर्ग ०२३६२-२२८८४७
ठाणे ९३७२३३८८२७
पुणे ९३७०९६००६१
सातारा ०२१६२-२३२३४९
मुंबई शहर/उपनगर १९१६ / ०२२-६९४०३३४४
*राज्य आपत्कालीन कार्य केंद्राचे २४x७ हेल्पलाइन क्रमांक:*
📞 ०२२-२२०२७९९०
📞 ०२२-२२७९४२२९
📞 ०२२-२२०२३०३९
📱 ९३२१५८७१४३
राज्य आपत्कालीन कार्य केंद्र (SEOC), मंत्रालय, मुंबई येथून स्थितीवर सतत लक्ष ठेवले जात आहे, आणि गरजेनुसार अद्ययावत माहिती प्रसिद्ध केली जाणार आहे.
“नागरिकांनी हवामान खात्याचे अलर्ट गांभीर्याने घ्यावेत. आपत्कालीन परिस्थितीत हेल्पलाईन क्रमांकांवर संपर्क साधावा व स्वतःचा आणि कुटुंबाचा जीव वाचविण्यास प्राधान्य द्यावे,” असे आवाहन प्रशासनाकडून करण्यात आले आहे.
नागरिकांनी अफवांवर विश्वास न ठेवता अधिकृत यंत्रणांकडून मिळणाऱ्या सूचनांचे पालन करावे, असे आवाहन महाराष्ट्र शासन कार्यसन अधिकारी राजेंद्र भवारी यांनी केले आहे.