मिरा भाईंदर – कुस्ती आणि सामाजिक कार्य क्षेत्रात भरीव योगदान देणारे श्री गणेश आखाडा, मिरा भाईंदर येथील सर्वेसर्वा गुरुवर्य वसंतराव य. पाटील यांना “राष्ट्रीय खलिफा पुरस्कार २०२५” जाहीर करण्यात आला आहे.
हा पुरस्कार सुजण फाऊंडेशन, आदर्की बु., ता. फलटण, जि. सातारा यांच्या वतीने आयोजित “महाराष्ट्र कुस्ती संमेलन २०२५” या विशेष कार्यक्रमात प्रदान करण्यात येणार आहे. क्रीडा क्षेत्रातील त्यांच्या विशेष कार्याबरोबरच सामाजिक व देशहितासाठी त्यांनी केलेल्या उल्लेखनीय योगदानाचा सन्मान म्हणून त्यांची निवड या मानाच्या पुरस्कारासाठी करण्यात आली आहे.
या पुरस्कार वितरण समारंभाचे आयोजन रविवार, ५ ऑक्टोबर २०२५ रोजी सकाळी ११.३० वाजता
श्री भैरवनाथ मंगल कार्यालय, कापशी, ता. फलटण, जि. सातारा येथे करण्यात आले आहे.
या कार्यक्रमाचे अध्यक्षस्थान संयोजक संपतराव जाधव भूषवणार आहेत.
वसंतराव पाटील हे मिरा भाईंदर महानगरपालिकेच्या सौजन्याने कार्यरत श्री गणेश आखाड्याचे प्रमुख असून, गेल्या अनेक वर्षांपासून कुस्तीगीर घडविण्याचे आणि ग्रामीण तसेच शहरी भागातील युवकांना क्रीडाक्षेत्रात पुढे आणण्याचे कार्य ते सातत्याने करत आहेत.