१ कोटी ६०. लक्ष रुपयाची गोवा बनावटीची दारू महाड तालुक्यात जप्त
मुंबई दारूबंदी विभाग भरारी पथकाची मोठी कारवाई !
महाड 🙁 प्रतिनिधी ) दारूबंदी भरारी पथक मुंबई यांना मिळालेल्या माहितीप्रमाणे दारूबंदी विभागाचे मुंबईचे उपनिरीक्षक शहाजी गायकवाड यांनी महाड तालुक्यातील मुंबई गोवा महामार्गावर सापळा रचून दासगाव हद्दीत एका ट्रकला थांबून कसून चौकशी केली असता गोवा बनावटीची दारू असल्याचे स्पष्ट झाले त्याची किंमत एक कोटी ६० लाख रुपये किंमत असल्याचे स्पष्ट झाले आहे
दारूबंदी विभाग भरारी पथक मुंबई यांना गोवा ते मुंबई RG.३६.GB.१२७७ या क्रमांकाचा ट्रक विना परवाना दारू घेऊन जाणार आहे अशी गुप्त माहिती मिळाली या माहितीच्या आधारावर यांनी महाड तालुका हद्दीत मुंबई गोवा महामार्गावर सापळा रचला आणि आर जी -३६ जी बी १२७७ या ट्रकचा महाड वरून पाठलाग करत मुंबई गोवा राष्ट्रीय महामार्गावर दासगाव गाव हद्दीत थांबवून कसून चौकशी केली असता या ट्रकमध्ये अंदाजे १३०० रॉयल सिलेक्ट या दारूचे बॉक्स सापडले या ट्रकचा चालक फुकराज सिंग याला ताब्यात घेतली आणि ट्रक ही ताब्यात घेऊन महाड मधील दारूबंदी कार्यालय येथे पुढील कारवाईसाठी नेण्यात आले.
या कारवाईमध्ये भरारी पथकाचे पोलीस उप निरीक्षक शहाजी गायकवाड, पोलीस उपनिरीक्षक संतोष गोंदकर, पोलीस कॉन्स्टेबल अमोल चिलघर, पोलीस कॉन्स्टेबल चौगुले यांचा समावेश आहे. हा ट्रक ताब्यात घेतल्यानंतर दारूबंदी कार्यालय महाड या ठिकाणी नेण्यात आले आहे त्या ठिकाणी संपूर्ण तपासणी नंतर या ट्रक मध्ये१३०० दारूचे खोके असल्याचे निष्पन्न झाले याची किंमत १ कोटी ६०लाख यांची असल्याचे सिद्ध झाले आहे
एकीकडे राज्य उत्पादन शुल्क खात्याचे अधिकारी मुंबई गोवा राष्ट्रीय महामार्गावर गोवा बनावटीचे दारू पकडत असताना महाड तालुक्यात वाईन शॉप मधून कोणताही परवाना नसताना मोठ्या प्रमाणावर बेकायदेशीर दारू गामा गावात विकण्याचे काम महाड मधील वाईन शॉप धारक करीत आहेत त्यामुळे महाड तालुक्यात मोठ्या प्रमाणावर गावागावात विनापरवाना बार चालू झाले आहेत मात्र यावर उत्पादन शुल्क खात्याचे अधिकारी कारवाई करण्याऐवजी त्यांना गोंजारण्याचे काम करीत असल्याने तालुक्यातील नवीन तरुण पिढी दारूच्या आहारी गेल्याचे निष्पन्न होत आहे