महाड (मिलिंद माने) महाड तालुक्यातील कुर्ला गायकरवाडी मधील एका पिसाळलेल्या कुत्र्याने गावातील अनेक लोकांना जखमी केल्या असून त्यापैकी तीन गंभीर रुग्णांना महाड ग्रामीण रुग्णालयात प्रतिबंधात्मक रेबीज लस उपलब्ध नसल्याने या रुग्णांना माणगाव ग्रामीण रुग्णालयात दाखल करण्यात आले असून महाड ग्रामीण रुग्णालयाचा भोंगळ कारभार पुन्हा एकदा चव्हाट्यावर आला आहे.
महाड ग्रामीण रुग्णालयाचा भोंगळ कारभार पुन्हा एकदा चव्हाट्यावर आला असून पिसाळलेल्या कुत्र्याने कुर्ला गायकर वाडी गावातील धोंडू तांबडे सनी खेडेकर व मालती पवार. व अन्य एका व्यक्तीला गंभीर दुखापत केली आहे
कुर्ला गायकरवाडीतील पिसाळलेल्या कुत्र्याने चावा घेतल्याने या मध्ये गंभीर जखमी झालेल्या रुग्णांना महाड ग्रामीण रुग्णालयात आणण्याचे काम शिरगाव गावचे सरपंच सोमनाथ ओझर्डे यांनी दाखल केले मात्र महाड ग्रामीण रुग्णालयात आणल्यानंतर त्या ठिकाणी प्रतिबंधात्मक रेबीज लस उपलब्ध नसल्याने अखेर महाड पासून ३० किलोमीटर अंतरावर असणाऱ्या. माणगाव ग्रामीण रुग्णालयात शनिवारी पहाटे तीनच्या सुमारास नेण्याची वेळ आल्याने या प्रकाराबाबत तीव्र संताप व्यक्त केला जात असून केवळ रुग्णालयाच्या इमारती बांधण्याचे काम काढायचे व प्रत्यक्षात वैद्यकीय अधिकारी व औषध उपचाराचा साठा याकडे जाणीवपूर्वक दुर्लक्ष करायचे असे प्रकार चालू असून आरोग्य यंत्रणा सलाईन वर गेल्याचे चित्र या निमित्ताने अधोरेखित होत आहे