महाड (प्रतिनिधी) माणगाव पुणे मार्गावरील ताम्हणी घाटात पुण्याहून माणगाव कडे येणाऱ्या महिंद्रा कंपनीच्या थार जीप चालकाचा गाडीवरील ताबा सुटल्याने सुमारे ५०० फूट खोल दरीत. कोसळून झालेल्या अपघातात आत्तापर्यंत ४ जणांचे मृतदेह हाती लागले असून. माणगाव पोलीस निरीक्षक जयसिंग पवार यांच्या नेतृत्वाखाली रेस्क्यू टीम शोध कार्यात दरीत उतरून मृतदेह वर काढण्याचे काम चालू केले आहे मात्र अद्याप मृतदेहाची ओळख पटलेली नाही
मिळालेल्या माहितीनुसार, रायगडच्या ताम्हिणी घाट वर्दळीचा रस्ता आहे. या घाटातून नेहमीच गाड्यांची ये जा सुरु असते. या घटातील तीव्र वळणं ही धोकादायक असून या घाटात यापूर्वी देखील मोठे अपघात झाले आहेत.
पुणे माणगाव मार्गावर ताम्हिणी घाटात एक थार ५०० फूट दरीत कोसळली आहे. इतक्या खोलवर गाडी कोसळल्याने गाडीतील ४ तरुणांचा जागीच मृत्यू झाला आहे.मृत झालेल्या ४ तरुणांपैकी आणखी काही जण या गाडीत असल्याची शक्यता वर्तवण्यात आली आहे. अवघड वळणावर चालकाचा नियत्रंण सुटल्याने. महिंद्रा कंपनीची थार जीप ५०० फूट दरीत कोसळली असल्याचा प्राथमिक अंदाज पोलिसांनी वर्तवला आहे. अपघात झाल्यानंतर पोलिसांनी घटनास्थळी धाव घेतली असून पोलीस या घटनेचा तपास करत आहेत.
शिवाय बचाव पथकाकडून बचाव कार्य सुरु असल्याची माहिती माणगावचे पोलीस निरीक्षक जयसिंग पवार यांनी दिली आहे. मात्र हा अपघात केव्हा झाला ? या बद्दल नेमकी माहिती नाही मात्र ड्रोन शुटमध्ये दरीत थार जिप आणि मृतदेह आढल्याने बचाव कार्य सुरु करण्यात आले आहे. पोलीस या घटनेचा सविस्तर तपास करत असून मृतदेह बाहेर काढण्याचे शर्थीचे प्रयत्न सुरु आहेत