आ. प्रविण दरेकर यांच्या वाढदिवसानिमित्त आदिवासी पाड्यात दिवाळी फराळ साहित्याचे वाटप

 

पालघर (भालचंद्र कांबळी): स्वयं/समूह पुनर्विकास प्राधिकरणाचे अध्यक्ष आणि आमदार प्रविण दरेकर यांच्या वाढदिवसानिमित्त पालघर जिल्ह्यातील विक्रमगड तालुक्यातील तेटवली गावातील भुरकूडपाडा येथे आदिवासी कुटुंबांना दिवाळी फराळ बनविण्याचे साहित्य आणि धान्य वाटप करण्यात आले.

ही सामाजिक उपक्रमात्मक भेट भाजप सहकार आघाडी मुंबई यांच्या वतीने आयोजित करण्यात आली होती.

कार्यक्रमास भाजप सहकार आघाडी मुंबईचे अध्यक्ष सुनील बुधाजी बांबुळकर, पदाधिकारी सुधाकर कदम, सुभाष मराठे, रवींद्र जयस्वाल, संतोष दरेकर, गणेश कांबळे, रत्नेश हळदणकर, सचिन हनवते, मोहन सावंत, उमेश जायसवाल, दीपक निवळकर, प्रणव हडकर, अभय पाटील, बाबू जाधव, तसेच ग्रामपंचायत सदस्य, सरपंच सौ. ज्योती माढा, आणि तीन गावांचे शक्ती प्रमुख पांडुरंग भुरकूड उपस्थित होते.

सुनील बांबुळकर यांनी या वेळी सांगितले की, “पंतप्रधान नरेंद्र मोदी यांनी त्यांच्या ‘मन की बात’च्या ९२व्या भागात तेटवली गावाचा गौरव केला आहे. गावकऱ्यांनी दाखविलेल्या स्वयंपूर्णतेचा आम्हाला अभिमान आहे. त्यामुळे प्रविणजी दरेकर यांच्या वाढदिवसानिमित्त आम्ही या गावातील आदिवासी बांधवांना दिवाळी फराळासाठी आवश्यक साहित्य देण्याचा निर्णय घेतला.”

पालघर जिल्ह्यातील विक्रमगड तालुक्यातील तेटवली गावातील भुरकूडपाडा येथे आदिवासी कुटुंबांनी भाजप सहकार आघाडी मुंबईच्या पदाधिकारी यांचे तारपा वाजवून व आदिवासी पारंपरिक नृत्य करत स्वागत केले

ते पुढे म्हणाले की, प्रत्येक वर्षी प्रविणजी दरेकर यांच्या वाढदिवसानिमित्त गरीब, रुग्ण आणि गरजूंसाठी मदतकार्य केले जाते, आणि ही परंपरा पुढेही कायम राहील.

या वेळी तीन गावांचे शक्ती प्रमुख पांडुरंग भुरकूड यांनी गावासाठी निवारा शेड बांधून देण्याची मागणी केली. त्यावर सुनील बांबुळकर यांनी ही मागणी लवकरच पूर्ण केली जाईल, असे आश्वासन गावकऱ्यांना दिले.

आदिवासी कुटुंबांनी भाजप सहकार आघाडी मुंबई अध्यक्ष सुनील बांबूलकर यांना त्यांनी बांबूने बनविलेले कंदिल भेट दिले

या उपक्रमामुळे गावात आनंदाचे वातावरण निर्माण झाले. आदिवासी बांधवांनी तारपा वाजवून आणि पारंपरिक नृत्य करून भाजप सहकार आघाडी मुंबई अध्यक्ष सुनील बांबुळकर आणि त्यांच्या सहकाऱ्यांचे मनःपूर्वक स्वागत केले.

यावेळी उपस्थित आदिवासी बांधवांनी भाजप सहकार आघाडी आणि आमदार प्रविण दरेकर यांचे आभार मानले.

Leave a Reply

Your email address will not be published. Required fields are marked *