प्रमोद देठे – महाराष्ट्र बॉक्सिंग असोसिएशनच्या निवडणुकीत भाजप नेते व आमदार प्रविण दरेकर यांनी अध्यक्ष पदावर बहुमताने विजय मिळवत बॉक्सिंग जगतात आपली ‘पंच’ ताकद दाखवली!
महाराष्ट्र बॉक्सिंग संघटनेचे माजी अध्यक्ष जय कवळी आणि दरेकर पॅनलने सर्वच्या सर्व २७ जागांवर निर्विवाद विजय मिळवत क्लीन स्वीप केला आहे. या निकालामुळे संघटनेवर पुन्हा एकदा दरेकर–कवळी जोडीचं वर्चस्व प्रस्थापित झालं आहे.
या ऐतिहासिक विजयानंतर आमदार प्रविण दरेकर म्हणाले, “मतदारांनी दाखवलेला विश्वास आम्ही सार्थ ठरवू. महाराष्ट्रातील बॉक्सिंगला पुन्हा वैभवाचे दिवस आणणार आहोत. खेळाडूंना दर्जेदार सुविधा आणि संधी मिळावी, हे आमचे प्राधान्य असेल.”
या निकालामुळे राज्यातील क्रीडा वर्तुळात उत्साहाचे वातावरण निर्माण झाले असून, नव्या नेतृत्वाखाली ‘महाराष्ट्रातील बॉक्सिंग पुन्हा सुवर्णयुगाकडे वाटचाल करेल,’ असा विश्वास व्यक्त केला जात आहे.