मुंबई – वांद्रे ते कुर्ला दरम्यान उभारण्यात येणारा पॉड टॅक्सी प्रकल्प देशातील पहिला आणि एकमेव असा प्रकल्प असून, तो मॉडेल प्रकल्प म्हणून राबविण्यात यावा, असे निर्देश उपमुख्यमंत्री एकनाथ शिंदे यांनी दिले आहेत.
मुंबई महानगर प्रदेश विकास प्राधिकरण (MMRDA) मार्फत राबविण्यात येणाऱ्या या प्रकल्पाच्या संदर्भात झालेल्या सादरीकरणावेळी त्यांनी हे स्पष्ट केले.
परिवहन सेवेच्या पुढच्या पायरीसाठी ‘पॉड टॅक्सी’ हा महत्त्वाचा टप्पा ठरणार आहे. बांद्रा कुर्ला कॉम्प्लेक्स (BKC) परिसरात वांद्रे व कुर्ला रेल्वे स्थानकांदरम्यान ही सेवा सुरु होणार आहे.
उपमुख्यमंत्री एकनाथ शिंदे म्हणाले की,“या भागातील वर्दळ दिवसेंदिवस वाढत आहे. नागरिकांना वाहतूक कोंडीतून दिलासा देण्यासाठी पॉड टॅक्सी प्रभावी पर्याय ठरेल.”
१) कुर्ला ते वांद्रे (रेल्वे स्थानकांदरम्यान) BKC मार्ग
२) वाहतूक कोंडी टाळण्यासाठी हाय-टेक आणि स्वयंचलित सेवा
३)इको-फ्रेंडली, जलद आणि कार्यक्षम प्रवासाची सुविधा
पॉड टॅक्सी म्हणजे काय?
पॉड टॅक्सी ही एक स्वयंचलित, एअर-कंडिशनड केबिन्स (Pods) असलेली प्रणाली असून ती एकाच वेळी अनेक प्रवासी वाहून नेऊ शकते. ह्या पॉड्स ठराविक ट्रॅकवर चालतात आणि सर्वसामान्य टॅक्सीपेक्षा अधिक वेगवान, सुरक्षित आणि वाहन रस्त्यांवरील ताण कमी करणारी आधुनिक सेवा आहे.
या सादरीकरणावेळी असीम गुप्ता, अपर मुख्य सचिव, उपमुख्यमंत्री कार्यालय,नविन सोना, प्रधान सचिव
डॉ. संजय मुखर्जी, आयुक्त, MMRDA अश्विन मुदगल, अतिरिक्त आयुक्त अनिल कुंभारे, पोलीस महानिरीक्षक, इत्यादी वरिष्ठ अधिकाऱ्यांनी या प्रकल्पासंदर्भात सविस्तर चर्चा केली.
*पॉड टॅक्सी चे फायदे*
१) वाहतूक कोंडीपासून सुटका
२) वेळेची बचत
३) कमी प्रदूषण
४) अत्याधुनिक शहरासाठी स्मार्ट सेवा
उपमुख्यमंत्र्यांच्या स्पष्ट निर्देशांनुसार, हा प्रकल्प जलदगतीने पूर्ण होण्यासाठी शासन सर्वतोपरी पाठिंबा देईल, असा विश्वास व्यक्त करण्यात आला.