मुंबई (विशेष प्रतिनिधी) स्थानिक स्वराज्य संस्थांच्या निवडणुका या नोव्हेंबर ते जानेवारी या दोन महिन्याच्या कालावधीत पार पडणार आहेत या कालावधीत ठाकरे बंधूंना महायुती बरोबर महायुतीतील काँग्रेस व शरद पवारांची राष्ट्रवादी या दोन पक्षां विरहित निवडणुका लढाव्या लागणार असल्याने हाता तोंडाशी आलेला घास महायुतीतील शिंदे गट, भाजपा, हिरावून घेऊ नये यासाठी मराठीच्या मुद्द्यावर एकत्र आलेल्या दोन्ही ठाकरे बंधूंनी शिवसेना मुख्य प्रवक्ते व राज्यसभेचे खासदार असणारे संजय राऊतांच्या बोलण्यावर निर्बंध आणल्याची चर्चा संजय राऊत यांनी प्रसिद्ध केलेल्या वैद्यकीय सल्ल्यानुसार गर्दीत मिसळणे यावर निर्बंध घालण्यात आल्याच्या चर्चेने राजकीय निरीक्षकांकडून बोलले जात आहे
शिवसेना पक्ष फुटी नंतर तत्कालीन मुख्यमंत्री एकनाथ शिंदे व त्यांचे ४० आमदार. यांच्यासहित भाजपा यांच्या विरोधात बोलण्याचे धाडस शिवसेना उद्धव ठाकरे गटामध्ये कुठल्याही नेत्याकडे नव्हते संजय राऊत यांच्या स्पष्टपणे बोलण्याने व सत्ताधारी भाजपावर केलेल्या आरोपामुळे त्यांना ईडीच्या कारवाईमुळे तीन महिने तुरुंगात जावे लागले होते मात्र तुरुंगात असताना देखील त्यांनी लिहिलेल्या अग्रलेखांमुळे दिल्ली मधील केंद्रात असणाऱ्या सत्ताधाऱ्यांचे देखील धाबे दणाणले होते
शिवसेना पक्ष फुटी नंतर शिवसेनेचा बालेकिल्ला लढवण्याचे. काम एकट्याने कोणी केले तर ते संजय राऊत यांनी अशीच चर्चा सामान्य शिवसैनिकांमध्ये ग्रामीण भागात चर्चिली जाऊ लागली होती त्यानंतर २०२४च्या लोकसभा निवडणुकीनंतर. पुन्हा शिवसेना उद्धव बाळासाहेब ठाकरे यांचा पक्ष सत्तेत येईल अशी अपेक्षा असताना सत्ताधारी भाजप व शिंदे गटावर निवडणुकीच्या काळात केलेल्या जाहीररीत्या राजकीय आरोपांमुळे राज्यसभेचे खासदार संजय राऊत मोठ्या प्रमाणावर चर्चिले गेले होते
शिवसेना उद्धव बाळासाहेब ठाकरे पक्षाचे मुख्य प्रवक्ते असणारे व राज्यसभेचे खासदार असणारे संजय राऊत यांनी राज्यसभेत देखील सत्ताधारी भाजपाला तसेच केंद्रीय गृहमंत्री अमित शहा व पंतप्रधान नरेंद्र मोदी यांच्यासह भाजपाच्या केंद्रीय नेतृत्वावर राज्यसभेच्या सभागृहात खुलेआमपणे विविध चर्चेच्या वेळी अंगावर घेण्याचे काम संजय राऊत यांनी केले होते तसेच सकाळी नऊ वाजता नेहमीप्रमाणे सत्ताधारी भाजपा व शिवसेना शिंदे गट तसेच राष्ट्रवादी काँग्रेस अजित पवार गट यांच्या प्रमुख नेत्यांवर जाहीर रित्या आरोप प्रत्यारोप करण्याचे काम मुख्य प्रवक्ता या माध्यमातून संजय राऊत मागील चार वर्ष नित्यनेमाने करीत होते
स्थानिक स्वराज्य संस्थांच्या निवडणुका या नोव्हेंबर ते जानेवारी अखेर पर्यंत पार पडण्याचे संकेत राज्य निवडणूक आयोगाच्या सूत्रानुसार होणार आहेत
राज्यातील २४७ नगरपरिषदा, १४७ नगरपंचायती, ३२ जिल्हा परिषदा, ३३६ पंचायत समित्या व २९ महानगरपालिका यांच्या निवडणुका होणार आहेत
स्थानिक स्वराज्य संस्थांच्या निवडणुकीच्या पार्श्वभूमीवर व मराठीच्या मुद्द्यावर महाराष्ट्र नवनिर्माण सेनेचे अध्यक्ष राज ठाकरे व शिवसेना उद्धव बाळासाहेब ठाकरे पक्षाचे अध्यक्ष उद्धव ठाकरे हे दोन्ही ठाकरे बंधू एकत्र आले आहेत यामुळे सत्ताधारी भाजपा सहित शिंदे गटाचे देखील धाबे दणाणले आहेत ठाकरे बंधूंना कोणत्याही परिस्थितीत मुंबई महानगरपालिका पुन्हा ठाकरेंचीच करण्याची तीव्र इच्छा असल्याने मराठीच्या मुद्द्यावर मुंबई त मराठी माणूस एकवटला आहे त्यातच मुंबई महानगरपालिकेच्या करोडो रुपयांच्या ठेवी तत्कालीन नगर विकास मंत्री व तत्कालीन मुख्यमंत्री एकनाथ शिंदे यांनी या ठेवींमधील अनेक रक्कम विविध कामांसाठी खर्च केली आहे हा मुद्दा देखील मुंबई महानगरपालिकेच्या निवडणुकीत प्रभावी ठरणार आहे तसेच मराठीच्या मुद्द्यावर दोन्ही ठाकरे बंधू एकत्र आले आहेत यामुळेच मुंबईमध्ये मनसे ,उद्धव बाळासाहेब ठाकरे यांच्या. सैनिकांना संजय राऊतान पेक्षा ठाकरेच महत्त्वाचे वाटत असल्याने व मुख्य प्रवक्त्याच्या माध्यमातून पत्रकारांच्या प्रश्नांना उत्तर देताना संजय राऊतांमुळे पुन्हा अडचण निर्माण होऊ नये यासाठी त्यांना गप्प बसण्याचा सबुरीचा सल्ला देखील ठाकरे बंधूं कडून देण्यात आल्याची चर्चा राजकीय निरीक्षकांमध्ये चर्चिली जाऊ लागली आहे
मुंबई महानगरपालिकेच्या पार्श्वभूमीवर राज ठाकरे यांनी मुंबईतील . मनसेच्या पक्ष मेळाव्यात राज्याचे उपमुख्यमंत्री व शिवसेना शिंदे गटाचे नेते एकनाथ शिंदे यांनी पंतप्रधान नरेंद्र मोदींच्या ७५ व्या वाढदिवसानिमित्त. पर्यटन विभाग व महाराष्ट्रातील काही किल्ल्यांवर टुरिस्ट स्पॉट नेमत आहे, शिवनेरी, रायगड ,प्रतापगड, सारख्या किल्ल्यांवर “नमो” केंद्र उभारणार आहेत याला राज ठाकरे यांनी विरोध दर्शविला असून जिथे फक्त छत्रपती शिवाजी महाराजांचे नाव असले पाहिजे तिथे इतर कुणाचीही नावे नकोत जर “नमो “केंद्र उभारली तर ती फोडू. असा इशारा त्यांनी दिल्याने आगामी काळात ठाकरे बंधूंचाच वर चष्मा राज्यात कायम ठेवण्यासाठी खासदार संजय राऊत यांना ठाकरे बंधूंनी बोलण्यावर निर्बंध आणल्याची चर्चा संजय राऊत यांनी प्रसिद्ध केलेल्या पत्रानंतर राजकीय निरीक्षकांमध्ये चर्चिली जाऊ लागली आहे
खासदार संजय राऊत यांचे पत्र!
सर्व मित्र परिवार आणि कार्यकर्त्यांसाठी नम्र विनंती
जय महाराष्ट्र!
आपण सगळ्यांनी माझ्यावर कायम विश्वास ठेवला आणि प्रेम केले, पण सध्या अचानक माझ्या प्रकृतीत काही गंभीर स्वरूपाचे बिघाड झाल्याचे समोर आले, उपचार सुरू आहेत, मी यातून लवकरच बाहेर पडेन
वैद्यकीय सल्ल्यानुसार मला बाहेर जाणे व गर्दीत मिसळणे यावर निर्बंध घालण्यात आले आहेत त्यास नाईलाज आहे
मला खात्री आहे मी ठणठणीत बरा होऊन साधारण नवीन वर्षात आपल्या भेटीस येईन. आपले प्रेम आणि आशीर्वाद असेच राहू द्या.
कळावे
आपला नम्र
संजय राऊत
असे संजय राऊत यांनी प्रसिद्ध केलेल्या पत्रात स्पष्ट केले आहे नवीन वर्षात आपल्या भेटीस येईन याचा राजकीय अर्थ असा आहे की नोव्हेंबर ते जानेवारी या दोन महिन्याच्या काळात राज्यातील स्थानिक स्वराज्य संस्थांच्या निवडणुका या पार पडणार आहेत त्यामुळे स्थानिक स्वराज्य संस्थांच्या निवडणुकीत संजय राऊत यांचा बोलबाला हा नसेल हे यावरूनच स्पष्ट होत आहे
अंधारे साठी संजय राऊत यांना गप्प केले का?
शिवसेना उपनेते सुषमा अंधारे यांना भविष्यात शिवसेना उद्धव बाळासाहेब ठाकरे पक्षाकडून मोठी जबाबदारी देण्यात येणार असल्याचे संकेत असल्याने ऐन निवडणुकीच्या काळात सुषमा अंधारे यांची तोफ राज्यात स्थानिक स्वराज्य संस्थांच्या निवडणुकीत प्रचारादरम्यान गाजवण्याचे ठाकरे बंधूंचे धोरण असल्याचे राजकीय निरीक्षकांकडून बोलले जात आहे त्यामुळेच शिवसेना उद्धव बाळासाहेब ठाकरे पक्षातील एका गटाने संजय राऊत यांना थोडा सबुरीचा सल्ला घेण्याचे संकेत ठाकरे बंधू यांच्यामार्फत दिल्यामुळेच संजय राऊत यांना वैद्यकीय कारणाचे पत्र प्रसिद्ध करावे लागल्याची चर्चा राजकीय निरीक्षकांमध्ये चर्चिली जात आहे