विशेष प्रतिनिधी: मुंबईकरांची छाप आता जगभर झळकतेय. क्रीडा क्षेत्रातले अनेक विक्रम मोडत, भारताचा झेंडा उंचावणारा एक चेंबूरचा तरुण आता जागतिक पातळीवर चर्चेत आला आहे. ही केवळ वैयक्तिक जिद्द नाही, तर संपूर्ण देशाच्या अभिमानाचा क्षण ठरला आहे.
अमेरिकेतील कोस्टा रिका, सॅन होजे येथे नुकतीच वर्ल्ड सब ज्युनियर आणि ज्युनियर क्लासिक आणि इक्विप्ड पॉवरलिफ्टिंग चॅम्पियनशिप २०२५ पार पडली. जगभरातील तगड्या खेळाडूंमध्ये भारतीय प्रतिनिधी म्हणून उभा राहिलेला चेंबूरचा रहिवासी चैतन्य पंदेकर आपल्या दमदार कामगिरीने अव्वल ठरला.
अत्यंत कठोर सराव, शिस्त आणि मानसिक ताकद यांच्या जोरावर चैतन्यने मैदानात जे दाखवलं, ते जागतिक स्तरावर भारतीय तरुणाईची ताकद अधोरेखित करणारं ठरलं. ६६ किलो इक्विप्ड गटात त्याने जबरदस्त झुंज देत डेडलिफ्टमध्ये सिल्वर मेडल पटकावलं आणि ओव्हरल ४ था क्रमांक मिळवत भारताचा झेंडा उंचावला.
२५ ऑगस्ट ते ५ सप्टेंबरदरम्यान झालेल्या या स्पर्धेत चैतन्यच्या विजयामुळे पॉवरलिफ्टिंग इंडियाला आंतरराष्ट्रीय रंगमंचावर मानाचं स्थान मिळालं आहे.
थोडक्यात चेंबूरचा चैतन्य पंदेकर आता जगभरातल्या पॉवरलिफ्टिंग विश्वात नवा आदर्श ठरला आहे!