मुंबई, सप्टेंबर २०२५ — मुंबईच्या माझगाव विभागात गेल्या १५ वर्षांपासून गणेशोत्सवाच्या उत्सवात सक्रिय सहभाग घेत “आदर्श समाज सेवा संघाचे अध्यक्ष अफझल खान” हे हिंदू-मुस्लिम ऐक्याचे जिवंत प्रतीक ठरत आहेत.
विसर्जनाच्या दिवशी अफझल खान आणि त्यांच्या संघटनेमार्फत मोफत पाणी, शरबत आणि खाद्यपदार्थांचे वाटप करण्यात येते. गणेशभक्तांच्या सेवेसाठी त्याचे कुटुंब उत्साहाने सहभाग घेतात,स्वतः अफझल व त्याची मुले मिरवणुकीत नाचून आनंद व्यक्त करतात
माझगाव परिसरातील सार्वजनिक गणेशोत्सव मंडळांची पहिली पावती अनेकदा अफझल खान यांच्या हस्ते फडण्यात येते — हे एक अत्यंत आदराचं आणि सलोख्याचं लक्षण मानलं जातं. विशेष म्हणजे, हबीबुल्ला बिल्डिंग, जिथे अफझल खान राहतात, त्या परिसरातून जेव्हा गणेशमूर्ती विसर्जनासाठी जातात, तेव्हा ते गुलाल उधळून, फटाक्यांची आतषबाजी करून गणरायाचे स्वागत करतात.
अफझल खान यांच्या या उपक्रमामुळे परिसरात धर्मनिरपेक्षतेचे आणि बंधुभावाचे वातावरण निर्माण झाले आहे. त्यांच्या या कार्यामुळे गणेशोत्सव हा केवळ धार्मिक नव्हे, तर सामाजिक एकतेचा उत्सव ठरत आहे.
“माझ्यासाठी गणेशोत्सव हा श्रद्धेइतकाच सामाजिक ऐक्याचा सण आहे. एकमेकांच्या आनंदात सहभागी होणं हीच खरी भारतीयता आहे,” असे अफझल खान म्हणतात.