मुंबई : दिव्यांग व्यक्तींना स्वयंरोजगारासाठी प्रोत्साहन देण्यासाठी राबविण्यात येणाऱ्या बीज भांडवल योजनेत अर्ज करण्याचे आवाहन जिल्हा दिव्यांग सक्षमीकरण अधिकारी, मुंबई उपनगर यांनी केले आहे. या योजनेत पात्र दिव्यांगांना स्वतःचा व्यवसाय सुरू करण्यासाठी आर्थिक मदत मिळणार असून, इच्छुकांनी लवकरात लवकर अर्ज दाखल करावा, असे आवाहन करण्यात आले आहे.
अर्ज करण्यासाठी दिव्यांगांनी जिल्हा दिव्यांग सक्षमीकरण अधिकारी, मुंबई उपनगर, प्रशासकीय इमारत, ४ था मजला, आर.सी. मार्ग, चेंबूर (पूर्व), मुंबई – ७१ येथे प्रत्यक्ष संपर्क साधावा. योजनांचे अर्ज कार्यालयात उपलब्ध असल्याचेही प्रसिद्धीपत्रकात स्पष्ट करण्यात आले आहे.
दिव्यांगांना स्वावलंबी करण्याच्या दृष्टीने ही योजना महत्त्वपूर्ण ठरणार असल्याचे प्रशासनाने म्हटले आहे.