महाड (प्रतिनिधी) ऐतिहासिक महाड नगर परिषदेच्या निवडणुकीसाठी प्रथमच राष्ट्रवादी व भाजपा यांची युती असल्याने दोन्ही पक्षाच्या उमेदवारांसाठी मुंबई बँकेचे अध्यक्ष तथा महाराष्ट्र गृहनिर्माण स्वयं समूह पुनर्विकास प्राधिकरणाचे अध्यक्ष प्रवीण दरेकर हे उद्यापासून दोन दिवस उमेदवारांच्या प्रचारासाठी असल्याने महाड मधील प्रचाराला वेग येणार आहे
महाड नगर परिषदेच्या निवडणुकीसाठी राष्ट्रवादी काँग्रेस अजित पवार गट व भारतीय जनता पक्ष यांची युती झाली आहे राष्ट्रवादी काँग्रेस अजित पवार गटाने नगराध्यक्ष पदासाठी सुदेश कलमकर यांच्यासह १५ जागांवर उमेदवार उभे केले आहेत. तर भाजपाने ५ जागांवर नगरसेवक पदाचे उमेदवार उभे केले आहेत नगराध्यक्ष पदासह नगरसेवक पदाचे उमेदवार निवडून आणण्यासाठी भाजपाकडून प्रवीण दरेकर यांच्या रायगड जिल्हा महामंत्री सतीश धारप यांच्यासह भाजपा दक्षिण जिल्हा रायगड अध्यक्ष धैर्यशील पाटील व राष्ट्रवादी काँग्रेस अजित पवार गट पक्षाकडून राष्ट्रवादीचे प्रदेशाध्यक्ष तथा रायगड लोकसभा मतदारसंघाचे खासदार सुनील दत्तात्रय तटकरे यांच्यासह महाडच्या माजी नगराध्यक्ष स्नेहल माणिकराव जगताप राष्ट्रवादीचे प्रदेश सरचिटणीस हनुमंत मोतीराम जगताप तसेच माजी आमदार अनिकेत सुनील तटकरे यांची फौज निवडणुकीच्या प्रचारात व नियोजनासाठी उतरल्याने महाडच्या नगराध्यक्ष पदाच्या उमेदवारासहित नगरसेवक पदाच्या उमेदवारांना प्रचारात रंगत आल्याचे पाहण्यास मिळत आहे
मुंबई बँकेचे अध्यक्ष तथा महाराष्ट्र गृहनिर्माण स्वयं समूह पुनर्वसन प्राधिकरणाचे अध्यक्ष प्रवीण दरेकर यांची उद्या २८नोव्हेंबर रोजी. महाड मधील गवळी आळी येथे तर २९ नोव्हेंबर रोजी संत रोहिदास महाराज सभागृहा मध्ये जाहीर सभा होणार आहे
महाडमध्ये राष्ट्रवादी काँग्रेस व भाजपा यांच्या संयुक्त सभांमुळे प्रचारात मोठ्या प्रमाणावर रंगत येणार असल्याची चर्चा राजकीय निरीक्षकांकडून व्यक्त केली जात आहे