भाईंदर – संविधान दिनानिमित्त फाटक परिसरातील डॉ. बाबासाहेब आंबेडकर पूर्णाकृती पुतळ्याला अभिवादन करण्यात आले. या वेळी उपस्थित नागरिकांनी संविधान उद्देशिकेचे वाचन करून संविधान मूल्यांचे महत्त्व अधोरेखित केले.
कार्यक्रमाचे मार्गदर्शन वंचित बहुजन आघाडीचे मीरा-भाईंदर शहराध्यक्ष इकबाल महाडिक यांनी केले. तसेच, महानगरपालिकेचे महासचिव अनिल भगत, उमेश शिंदे, सुनील भगत, पंकज इंगोले, दिलीप भालेराव, सुखदेव कोल्हे, भरत रणदिवे यांसह इतर पदाधिकारी व कार्यकर्ते उपस्थित होते.
सर्व उपस्थितांनी संविधान मूल्यांप्रती निष्ठा व्यक्त केली आणि नागरिकांमध्ये संवैधानिक जागरूकता वाढवण्याचे महत्त्व अधोरेखित केले. कार्यक्रमात नागरिकांचा उत्स्फूर्त सहभाग दिसून आला.