मुंबई : धर्म, समाज आणि राष्ट्राला पोखरणाऱ्या ढोंगी संतांच्या धंदेबाजकीवर आणि समाजातील तुकडे-तुकडे करणाऱ्या राजकीय खेळांवर जोरदार प्रहार करत जन कल्याण पार्टीचे राष्ट्रीय अध्यक्ष हार्दिक हुंडिया यांनी संतापाचा विस्फोट केला आहे.
देशातील धर्मप्रेमींना उद्देशून त्यांनी थेट सवाल केला —
“अब एक नहीं होंगे तो कब होंगे? की शेवटी चिड़िया चूक गई खेत वाली अवस्था येईल?”
हुंडिया म्हणाले,
“त्यागाची शिकवण देणारे काही संत स्वतःच लालसेच्या भोवऱ्यात अडकले आहेत. समाज त्याग करावा आणि ते स्वतःच्या झोळ्या भरत बसावेत? धर्माच्या नावावर व्यापारी मंडळी करोडो–अब्जो कमावताहेत, आणि समाजातील खरे गरजू लोक मात्र अडचणीतच.”
ते पुढे म्हणाले,
“समाजातील पैसा व्याजावर फिरवून फायदा कमावणारे हे संत धर्माशी, राष्ट्राशी गद्दारी करत नाहीत का? ‘सगळं सोडून जायचं’ असा उपदेश देणारे स्वतःच का विसरतात की त्यांनाही एक दिवस वर जाऊन हिशेब द्यावा लागणार आहे?”
“देशी इंग्रजांचा डाव ओळखा!”
हार्दिक हुंडिया यांनी देशातील तुकडे करणाऱ्या राजकारणावरही टिका करत इशारा दिला —
“आपण संप्रदाय, पंथ, जातींमध्ये एवढे विभागलो आहोत की पुन्हा एक होणं कठीण झालंय. पण आता एक नाही झालो, तर देशात जगणं कठीण होईल. परदेशी इंग्रजांपेक्षा धोकादायक हे देशी इंग्रज आहेत.”
राम–कृष्ण–महावीर–बुद्धांच्या भूमीत ढोंगीपणाला जागा नाही!
ते म्हणाले,
“ही राम, कृष्ण, महावीर, गौतम, नानक, ईशू, पयगंबर यांची भूमी आहे… या भूमीवर त्यांचे विचार जगवणारे लोक जेव्हा सत्तेत येतात, तेव्हाच सुशासन येते. जैन धर्माचा अनुयायी म्हणून मी सांगतो — खरा धर्म कुणाचे नुकसान करत नाही.”
राजकारणात मूल्यनिष्ठ, नैतिक नेतृत्वाची गरज असल्याचे ते म्हणाले —
“नेत्याला ज्या सुविधा हव्या असतात त्या सुविधाच त्याने जनतेलाही द्यायला हव्यात! किंवा स्वतः साधे जीवन जगून प्रेरणा द्यावी.”
“देशप्रेमींचे एकत्रित संघटन उभे!”
संत श्री नीलेशचंद्रजी यांच्या प्रेरणेने जन कल्याण पार्टी देशभरातील देशप्रेमी, समाजहित चिंतकांना जोडत असल्याची माहिती त्यांनी दिली.
“जनतेच्या सहकार्याने आम्ही एक मजबूत, धर्मनिष्ठ, राष्ट्रनिष्ठ संघटन उभारत आहोत… तुमचा सहकार व आशीर्वाद हवा,” अशी विनंती हुंडिया यांनी केली.