‎संविधान दिनाचे बॅनर काढल्याने भिम आर्मी व आझाद समाज पार्टी मार्फत आंदोलन; बॅनर काढण्याबाबत ‎दुहेरी भूमिका निभावणारे सहाय्यक आयुक्त स्वप्निल सावंत यांच्या विरोधात नाराजी

‎संविधान दिनाचे बॅनर काढल्याने भिम आर्मी व आझाद समाज पार्टी मार्फत आंदोलन 

बॅनर काढण्याबाबत ‎दुहेरी भूमिका निभावणारे सहाय्यक आयुक्त स्वप्निल सावंत यांच्या विरोधात नाराजी 

‎

‎मिरा रोड – मिरा भाईंदर महापालिका प्रभाग ४ चे सहाय्यक आयुक्त स्वनिल सावंत तर्फे बॅनर /होर्डिंग काढण्याबाबत दुहेरी भुमिका निभावत आहेत. सत्ताधारी व राजकीय पक्षाच्या अनधिकृत बॅनर वर कारवाई करताना टाळाटाळ करत असतात परंतु इतर बॅनर वर तातडीने कारवाई करतात. असाच प्रकार मिरा रोड (पूर्व) येथील गौरव एक्सेलन्सी इमारतीजवळ संविधान दिनाच्या बॅनर लावण्यात आले होते महापालिका प्रभाग४ च्या कर्मचाऱ्यांनी सहा. आयुक्त स्वनिल सावंत यांच्या आदेशाने बॅनर काढले.बॅनर वर घटनेचे शिल्पकार डॉ. बाबासाहेब आंबेडकर यांचा फोटो होता परंतु बॅनर काढताना कर्मचाऱ्यांनी योग्य काळजी न घेतल्यामुळे भीम आर्मी व आझाद समाज पार्टीच्या कार्यकर्त्यांत नाराजी पसरून पालिकेच्या भूमिकेबद्दल संताप व्यक्त करत भीम आर्मी व आझाद समाज पार्टीच्या संविधानप्रेमी कार्यकर्त्यांनी महापालिका प्रभाग क्र.४ कार्यालय येथे संविधान दिनाच्या बॅनर फाडण्याच्या बप्रकाराविरोधात तीव्र आंदोलन छेडले.

‎26 नोव्हेंबर संविधान दिनाच्या कार्यक्रमाची अधिकृत माहिती देण्यासाठी त्यांच्या कार्यालयासमोर संविधान दिनाचे बॅनर लावण्यात आले होते. मात्र स्थानिक अधिकाऱ्यांनी राजकीय दबावाखाली हे बॅनर छेडछाड करून फाडल्याचा गंभीर आरोप करण्यात आला आहे.

‎संविधानाचा अपमान की राजकीय खूषनामी?

‎कार्यकर्त्यांनी स्पष्ट आरोप केला की—

‎जेव्हा मुख्यमंत्री, उपमुख्यमंत्री किंवा सत्ताधारी नेते मीरा-भाईंदर महानगरपालिकेच्या विकास कामांसाठी येतात, तेव्हा त्यांच्या समर्थकांकडून शहरात अवैध बॅनरबाजी, पोस्टरबाजी उघडपणे होते, पण त्याकडे महानगरपालिकेचे अधिकारी करण न करता डोळेझाक करतात.

‎पण बहुजन समाजातील संविधानप्रेमी कार्यकर्त्यांनी डॉ. बाबासाहेब आंबेडकरांचा फोटो लावून संविधान दिन साजरा करण्यासाठी लावलेला बॅनर मात्र काढून टाकला जातो, हे अत्यंत धक्कादायक आणि प्रशासनाच्या जातीय मानसिकतेचे पुरावे असल्याचे कार्यकर्त्यांचे मत आहे.

‎

‎“बाबासाहेब वाचलेत का?” – भष्ट्राचाराचे आरोप असलेले अधिकारीच देतात धाडसाने भाषणे!

‎कार्यकर्त्यांनी अधिकाऱ्यांना जाब विचारला असता त्यांना—

‎“बाबासाहेब आंबेडकर वाचा, शिका”

‎असे उपदेशात्मक बोल लाच लुचपत प्रतिबंध विभाग मार्फत अटक झालेल्या भष्ट्राचाराचे आरोप असलेल्या अधिकाऱ्यांकडुन ऐकावे लागते.

‎

‎जनतेचा प्रश्न असा की — असे अधिकारी बहुजन समाजाला बाबासाहेब शिकवाणार?

‎

‎सहाय्यक आयुक्त स्वप्निल सावंतवर गंभीर आरोप

‎

‎स्थानिक कार्यकर्त्यांनी सहाय्यक आयुक्त स्वप्निल सावंत यांच्यावर दुहेरी भूमिका व राजकीय दबावाखाली सत्ताधाऱ्यांची मदत करण्याचे आरोप केले आहेत.

‎त्यांच्यावरील आधीपासूनचे भ्रष्टाचार, गैरव्यवहार, पक्षपातीपणा यामुळे या घटनेने जनतेत संताप उसळला आहे.

‎

‎प्रखर आंदोलन – प्रभाग क्रमांक 4 कार्यालय बंद

‎

‎कार्यकर्त्यांनी प्रभाग क्रमांक ४ कार्यालयासमोर कार्यालय बंद आंदोलन करत प्रशासनाला कठोर इशारा दिला.

‎संविधानाचा अवमान सहन करणार नाही, असा निर्धार कार्यकर्त्यांनी व्यक्त केला.

‎या आंदोलनातून प्रशासनाच्या जातीय आणि संविधानविरोधी मानसिकतेचा निषेध करत, एकजूट दाखवली.

‎

‎

‎