मुंबई – आंतरराष्ट्रीय विमानतळ कार्गो विभागातील शेकडो कामगारांनी भारतीय जनता पक्षात (भाजप) जाहीर प्रवेश केला. भाजपचे प्रदेशाध्यक्ष आणि अखिल कामगार कर्मचारी संघाचे अध्यक्ष आमदार रविंद्र चव्हाण यांच्या प्रमुख उपस्थितीत हा पक्षप्रवेश सोहळा संपन्न झाला.
आंतरराष्ट्रीय विमानतळ टर्मिनल-२ येथील अखिल भारतीय कामगार कर्मचारी संघाच्या कार्यालयात हा कार्यक्रम पार पडला. यावेळी संघाचे महासचिव सुहास माटे, संयुक्त महासचिव योगेश अवळे, उपाध्यक्ष विनोद घोगले, महाराष्ट्र राज्य (कार्गो) सचिव चंद्रकांत धाडके, युनिट महासचिव (कार्गो) हुसेन आगा आणि युनिट सचिव (कार्गो) बाळासाहेब अडमाने आदी पदाधिकारी उपस्थित होते.
या पक्षप्रवेश सोहळ्यात कार्गो विभागातील विविध युनिटमधील कामगारांचा सहभाग होता. स्काय हाय युनिट (आयात विभाग) मधून भानुप्रताप जैस्वार, ओमप्रकाश गुप्ता, मोइनुद्दीन अन्सारी, बाबर शेख, फहाद शेख, शबाज शेख, प्रकाश पाल यांचा समावेश होता. तसेच स्काय हाय युनिट (निर्यात विभाग) मधून राजेश नेमन, दुर्गेश कनोजिया, प्रकाश भर्सिंग, दत्तात्रय करांडे, लवलेश मोर्या, अब्बास शेख, रवींद्र मराठे, राजेश ओवाळे हे कामगार पक्षात दाखल झाले.तसेच सिक्वेल वन सोल्युशन्स प्रा. लि. मधून अनिल प्रसाद कनोजिया, राहुल घाडगे, रवींद्र पष्टे, विशाल शर्मा, प्रदीप यादव तसेच हाउसकीपिंग विभाग मधून सुनील कांबळे, मनोज जाधव आणि किशोर धनवे यांसह मोठ्या संख्येने कामगारांनी भाजपमध्ये प्रवेश केला.
या पक्षप्रवेशानंतर कामगारांमध्ये उत्साहाचे वातावरण दिसून आले. कामगार संघटनांशी निगडित विषयांवर पुढील काळात भाजप अधिक प्रभावीपणे काम करेल, असा विश्वास या प्रसंगी व्यक्त करण्यात आला.