महाड (मिलिंद माने) छत्रपती शिवाजी महाराजांचा आशीर्वाद घेऊन निवडणुकीपासून ते थेट मंत्रीपदाची शपथ घेताना छत्रपती शिवाजी महाराजांचे नामस्मरण करणारे राज्य व केंद्रातील राज्यकर्ते छत्रपती शिवाजी महाराजांच्या किल्ला मात्र अंधारात असताना ठाकरे होणारे दुर्लक्षामुळे किल्ले रायगडावरील दिवाळी मात्र तालुका काळोखात साजरी करण्याची वेळ शिवभक्तांवर आल्याने राज्यकर्त्यांच्या भूमिकेबद्दल आश्चर्य व्यक्त केले जात आहे
मंत्र्यांची दालने ,शासकीय निवासस्थाने, अति महत्त्वाच्या व्यक्तींची सुरक्षा, व शासकीय जाहिरातींवर करोडो रुपयांचा खर्च करणारे महायुतीचे सरकार मात्र छत्रपती शिवाजी महाराजांचा रायगड किल्ला मात्र रायगडावर आयोजित केलेल्या भव्य दीपोत्सवाच्या निमित्ताने किल्ले रायगडावर अंधाराचे साम्राज्य पसरल्याचे चित्र पाहण्यास मिळाले
किल्ले रायगडावर “शिवचैतन्य सोहळा”
शिवराज्याभिषेक दिनोत्सव सेवा समिती, दुर्गराज रायगडयांच्या वतीने दिवाळीच्या पहिल्या दिवशी . किल्ले रायगडावर भव्य दीपोत्सवाचे आयोजन करण्यात आले होते
.”‘पहिला दिवा माझ्या राजाच्या चरणी’ या भावनेतून सजलेला हा कार्यक्रम, रायगडाच्या प्रत्येक कड्यावर, प्रत्येक दगडावर . दीपोत्सवाच्या माध्यमातून तेजाचा वर्षाव संपूर्ण रायगड किल्ल्यावर पहावयास मिळाला.”
छत्रपती शिवाजी महाराजांची राजधानी असणाऱ्या किल्ले रायगडावर दिवाळीच्या पहिल्या दिवशी दीपोत्सवाचे आयोजन करण्यात आले होते यावेळी
“संपूर्ण रायगड परिसर शेकडो दिवे आणि मशालींच्या प्रकाशाने झळाळून निघाला होता . ह्या सोहळ्याचे साक्षीदार होण्यासाठी राज्यभरातून शिवभक्त व पर्यटक देखील मोठ्या संख्येने किल्ले रायगडावर दाखल झाले होते.
. किल्ले रायगडावर दीपोत्सवाच्या निमित्ताने छत्रपती शिवाजी महाराज यांची पालखी शिरकाई देवी मंदिरापासून राजसदरे पर्यंत ढोल ताशांच्या गजरात वाजत गाजत आणण्यात आली यावेळी रायगडावर अत्यंत उत्साह पूर्ण वातावरण शिवभक्तांमध्ये पाहण्यास मिळाले त्यानंतर राजसदरेवर विधिवत पूजा संपन्न करत हा शिवचैतन्य सोहळा पार पडला
छत्रपती शिवाजी महाराजांच्या राजधानी किल्ले रायगड वर केवळ जगदीश्वर मंदिराजवळच विद्युत महामंडळाची लाईट व्यवस्था आहे तर होळीच्या माळावर व राज सदरेवर मात्र सौर ऊर्जेवरील दिवे बसवले असून हे दिवे कधी चालू असतात तर कधी बंद असतात तसेच त्यांच्या प्रकाश असल्यामुळे राज सदरेवर होळीच्या माळावरील छत्रपती शिवाजी महाराजांच्या पुतळावर आजूबाजूला अंधाराचे साम्राज्य पसरल्याचे चित्र दररोज पाहण्यास मिळत
आहे
रायगडावरील अंधाराच्या साम्राज्याला पुरातत्त्व विभाग जबाबदार!
छत्रपती शिवाजी महाराजांची राजधानी असणाऱ्या किल्ले रायगडावर छत्रपती शिवाजी महाराजांच्या राज सद्रेवरील राज दरबारात तसेच होळीच्या माळावर व छत्रपती शिवाजी महाराजांच्या राजवाड्यामध्ये तसेच शिरकाई देवीचे मंदिर, जगदीश्वर मंदिर मार्ग, व पायरी मार्गावर संपूर्ण अंधाराचे साम्राज्य सूर्यास्त झाल्यानंतर सूर्योदयापर्यंत पूर्ण अंधाराचे साम्राज्य पसरते पुरातत्व विभागामार्फत राज सदरेवर, होळीच्या माळावर, राजवाड्यावर, व बाजारपेठेतील मुख्य रस्त्यावर जगदीश्वर मंदिराच्या मार्गावर सौर ऊर्जेचे दिवे बसवण्यात आलेले आहेत सौरऊर्जेचे दिवे हे प्रकाशितच होत नाहीत मात्र आठ दिवसापासून पाऊस नसल्याने उन्हाळी वातावरण असल्याने सौर ऊर्जेचे दिवे चार्ज होणे प्रज्वलित होणे गरजेचे असताना ऐन उन्हाळ्याच्या सुरुवातीला जर हे सौर ऊर्जेचे दिवे चालू होत नसतील तर ते निकृष्ट दर्जाचे बसवले आहे त्यामुळे ते प्रकाशित होत नसल्याचे अनेक शिवभक्तांनी यावेळी रायगडावर सांगितले एकंदरीत पुरातत्व विभागाच्या बेजबाबदारपणाच्या धोरणामुळे किल्ले रायगडावर अंधाराचे साम्राज्य पसरले असून याला जबाबदार कोण असा सवाल किल्ले रायगड समाचार निमित्ताने आलेल्या पर्यटकांच्या व शिवभक्तांच्या माध्यमातून विचारला जात आहे
छत्रपती शिवाजी महाराजांच्या किल्ले रायगडावर राज्याभिषेक सोहळा ,शिवजयंती उत्सव, शिव पुण्यतिथी सोहळा यासारख्या व अन्य कार्यक्रम साजरा होत असताना केवळ या कार्यक्रमापुरतात विद्युत महामंडळाच्या वतीने प्रकाश व्यवस्था केली जाते
केंद्रीय पुरातत्त्व विभागाचा जाहीर निषेध!
सुरेश पवार कोकणकडा मित्र मंडळ अध्यक्ष
छत्रपती शिवाजी महाराजांची राजधानी असणाऱ्या किल्ले रायगडावर रायगड जिल्हा परिषदेच्या माध्यमातून बसवण्यात आलेले सौरऊर्जेचे दिवे केंद्रीय पुरातत्त्व विभागाच्या अधिकाऱ्यांनी जाणीवपूर्वक काढून टाकल्यामुळे किल्ले रायगड हा अंधाराच्या खाईत लोटला असून किल्ले रायगडावरील सौर ऊर्जेचे दिवे तातडीने बसवण्यात आले नाहीत तर आंदोलन छेडण्याचा इशारा शिवराज्याभिषेक सोहळा शिव पुण्यतिथी व शिवजयंती उत्सव किल्ले रायगडावर साजरा करणारे कोकण कडा मित्र मंडळाचे अध्यक्ष सुरेश पवार यांनी पुरातत्व विभागाला दिला असून पुरातत्त्व विभागाच्या या नाकर्ते भूमिकेचा तीव्र शब्दात निषेध करीत पुरातत्त्व विभागाच्या या भूमिका बाबत आंदोलन छेडण्याचा इशारा दिला आहे