मिरा-भाईंदर : २ ऑक्टोबर २०२५ रोजी मिरा-भाईंदर महानगरपालिका मुख्यालयात राष्ट्रपिता महात्मा गांधी आणि भारताचे दुसरे पंतप्रधान लाल बहादूर शास्त्री यांच्या जयंतीनिमित्त अभिवादन कार्यक्रम आयोजित करण्यात आला.
या प्रसंगी महात्मा गांधी व लाल बहादूर शास्त्री यांच्या प्रतिमेस पुष्पहार अर्पण करून त्यांना विनम्र अभिवादन करण्यात आले. कार्यक्रमावेळी उपायुक्त (मुख्यालय) कल्पिता पिंपळे, उपायुक्त डॉ. सचिन बांगर, कार्यकारी अभियंता शरद नानेगावकर, माहिती व जनसंपर्क अधिकारी राज घरत, सहाय्यक आयुक्त योगेश गुणीजन, सहाय्यक आयुक्त जितेंद्र कांबळे, तसेच महापालिकेचे अधिकारी आणि कर्मचारी मोठ्या संख्येने उपस्थित होते.
या कार्यक्रमाच्या माध्यमातून गांधीजींच्या अहिंसेच्या तत्वांचा आणि शास्त्रीजींच्या “जय जवान, जय किसान” या घोषणेमागील कार्यप्रेरणेचा पुनःस्मरण करण्यात आला.