दुर्गा विसर्जनासाठी मिरा-भाईंदर महापालिकेतर्फे ९ अधिकृत स्थळांची घोषणा

दुर्गा विसर्जनासाठी मिरा-भाईंदर महापालिकेतर्फे ९ अधिकृत स्थळांची घोषणा

 

नवरात्रोत्सवासाठी सुरक्षित व पर्यावरणपूरक उपाययोजना

 

भाईंदर – मिरा-भाईंदर महानगरपालिका क्षेत्रात दिनांक २२ सप्टेंबर ते २ ऑक्टोबर २०२५ दरम्यान नवरात्रोत्सव भक्तिभावाने आणि उत्साहात साजरा होत आहे. २ ऑक्टोबर २०२५ रोजी होणाऱ्या दुर्गामाता मूर्ती विसर्जनाच्या पार्श्वभूमीवर, उत्सव सुरक्षित आणि पर्यावरणपूरक व्हावा यासाठी महापालिकेतर्फे विशेष नियोजन करण्यात आले आहे.

 

महानगरपालिका आयुक्त तथा प्रशासक श्री. राधाबिनोद अ. शर्मा (भा.प्र.से.) यांच्या अध्यक्षतेखाली, मा. पोलिस उपायुक्त श्री. राहुल चव्हाण (भा.पो.से.), महापालिकेचे अतिरिक्त आयुक्त श्री. संभाजी पानपट्टे, तसेच विविध विभागांचे अधिकारी यांची संयुक्त बैठक नुकतीच पार पडली.

 

या बैठकीच्या अनुषंगाने दुर्गा विसर्जनासाठी खालील ९ अधिकृत स्थळे निश्चित करण्यात आली आहेत:

 

अधिकृत विसर्जन स्थळे:

 

1. भाईंदर (पश्चिम) – मेरीटाईम जेट्टी

 

 

2. उत्तन समुद्र किनारा

 

 

3. स्व. आनंद दिघे मैदान, नवघर

 

 

4. भाईंदर (पूर्व) – जुनी चौपाटी

 

 

5. भाईंदर (पूर्व) – नवीन चौपाटी

 

 

6. शिवार गार्डन

 

 

7. सातकरी तलाव, एम.आय.डी.सी., मिरांगाव

 

 

8. सुकाल तलाव, पेणकरपाडा

 

 

9. घोडबंदर – रेतीबंदर

 

 

 

महापालिकेने प्रत्येक विसर्जन स्थळी आवश्यक त्या सर्व सुविधा पुरवल्या असून, सुरक्षा व्यवस्था, मंडप व स्टेज, प्रकाश व्यवस्था, टेबल्स आणि इतर व्यवस्थापन साहित्य यांची सोय करण्यात आली आहे.

 

महापालिकेच्या वतीने सर्व मंडळे, नागरिक आणि भक्तगणांना आवाहन करण्यात येते की, त्यांनी महापालिकेच्या मार्गदर्शक सूचनांचे पालन करून, पर्यावरणपूरक पद्धतीने वरील अधिकृत स्थळांवरच दुर्गामातेचे विसर्जन करावे.