मुंबई – महाराष्ट्र गृहनिर्माण स्वयं/समूह पुनर्विकास प्राधिकरणाच्या अध्यक्षपदी (कॅबिनेट दर्जा) नियुक्ती झाल्यानंतर आमदार प्रविण दरेकर यांनी मुख्यमंत्री देवेंद्र फडणवीस यांची सदिच्छा भेट घेतली.
म्हाडाच्या धर्तीवर राज्यात महाराष्ट्र स्वयंपुनर्विकास प्राधिकरणाची स्थापना करण्यात आली आहे. दरेकर अभ्यासगटाने या प्राधिकरणाची शिफारस शासनाकडे केली होती. त्यानुसार २९ सप्टेंबर २०२५ रोजी शासनाने अध्यादेश जारी करत राज्यातील नोंदणीकृत गृहनिर्माण सहकारी संस्थांच्या स्वयंपुनर्विकासाला चालना देण्याच्या दृष्टीने स्थापन करण्यात आलेल्या स्वयं/समूह पुनर्विकास प्राधिकरणाच्या अध्यक्षपदी आमदार प्रविण दरेकर यांची निवड केल्याचे जाहीर केले. या निवडीनंतर आ. प्रविण दरेकर यांनी आज मुख्यमंत्री देवेंद्र फडणवीस यांची सदिच्छा भेट घेतली. या भेटीत रखडलेल्या इमारतींचा पुनर्विकास व गतीने हौसिंग सोसायट्यांचा पुनर्विकास करण्याचे नियोजन करू, असा विश्वासही आ. दरेकर यांनी मुख्यमंत्र्यांना दिला.