ठाणे – ठाणे महानगरपालिकेचे उपायुक्त (अतिक्रमण विभाग) शंकर पाटोळे यांना लाचलुचपत प्रतिबंधक विभाग (ACB) यांच्याकडून ३५ लाख रुपयांची लाच घेताना रंगेहाथ अटक करण्यात आली आहे. सद्यस्थितीत ACBकडून संपूर्ण प्रकरणाची चौकशी सुरू असून, अधिकृत तपशीलांची पडताळणी केली जात आहे.
प्राप्त प्राथमिक माहितीनुसार, अभिराज डेव्हलपर्सचे मालक अभिजित कदम यांच्याकडून रु.१० लाख आधीच स्वीकारण्यात आले होते, तर उर्वरित रु.२५ लाख स्वीकारताना पाटोळे यांना अटक करण्यात आली. हा एकूण रु.३५ लाखांचा लाचप्रकरणाचा आरोप आहे.
ACB अधिकाऱ्यांनी दिलेल्या माहितीनुसार, हा व्यवहार एका विकास प्रकल्पाशी संबंधित असून, त्यासंबंधीचा तपशील गोपनीय ठेवण्यात आला आहे. संबंधित अधिकाऱ्याविरुद्ध भ्रष्टाचार प्रतिबंधक कायद्यान्वये (Prevention of Corruption Act) गुन्हा नोंदवण्याची प्रक्रिया सुरू आहे. या प्रकरणी पुढील तपास लाचलुचपत प्रतिबंधक विभागाकडून सुरू आहे.