मुंबई (मिलिंद माने) मागील चार वर्षापासून रखडलेल्या राज्यातील स्थानिक स्वराज्य संस्थांच्या निवडणुका तसेच राज्यातील विदर्भ मराठवाडा उत्तर महाराष्ट्र पश्चिम महाराष्ट्र कोकण या परिसरात मुसळधार झालेल्या अतिवृष्टीमुळे झालेल नुकसान सरकारकडून मिळणारी अपुरी मदत तसेच मराठा ओबीसी आरक्षणाच्या मुद्द्यावरून राज्यात होत असलेली आंदोलने या सर्व पार्श्वभूमीवर विदर्भात होणारे नागपूरचे हिवाळी अधिवेशन केवळ दोन आठवडे होणार असल्याचे संकेत प्राप्त होत आहेत.
राज्यात मराठा आरक्षणाच्या मुद्द्यानंतर ओबीसी आरक्षणाचा मुद्दा देखील गाजत असताना धनगर व वंजारी हे देखील आरक्षण मिळवण्याच्या मुद्द्यावर आंदोलनाच्या भूमिकेत असल्याचे संपूर्ण राज्यभर पाहण्यास मिळत आहे ही पार्श्वभूमी असतानाच राज्यातील विदर्भ, मराठवाडा, उत्तर महाराष्ट्र सहित पश्चिम महाराष्ट्र व कोकणात सप्टेंबर महिन्यात झालेल्या मुसळधार अतिवृष्टीमुळे शेतकऱ्यांबरोबर सर्वसामान्यांचे संसार देशोधडीला लागले आहेत शेतकऱ्यांनी नुकसान भरपाई साठी कर्जमाफीसाठी सरकारकडे तगादा लावला असतानाच राज्य सरकारकडे मागील सरकारच्या काळातील नगर विकास विभाग, सार्वजनिक बांधकाम विभाग, ग्राम विकास विभाग ,जलसंपदा विभाग. यासह अन्य खात्यांमधील विकास कामांची देयके मोठ्या प्रमाणावर प्रलंबित असल्याने राज्यातील ठेकेदार हवालदील झाले आहेत
राज्यात महायुती सरकारचे सरकार सत्तेवर असताना देखील तीन पक्षांमध्ये समन्वयाचा अभाव असल्याचे चित्र मोठ्या प्रमाणावर पाहण्यास मिळत आहे त्याच पार्श्वभूमीवर यंदाचे हिवाळी अधिवेशन गाजणार असल्याचे संकेत आत्तापासून प्राप्त होत असताना हे अधिवेशन स्थानिक स्वराज्य संस्थांच्या निवडणुकीच्या पार्श्वभूमीवर दोन आठवड्याचे होणार असल्याचे संकेत प्राप्त होत आहेस
नागपूर येथील हिवाळी अधिवेशन ८ डिसेंबर२०२५. असून चालू होत असून पहिल्याच दिवशी अध्यादेश सभागृहाच्या पटलावर ठेवणे, तसेच सन २०२५ च्या पुरवण्या मागण्या सादर करणे, शासकीय कामकाज
९ डिसेंबर२०२५. पूर्वी शासकीय कामकाज
१० डिसेंबर २०२५ शासकीय कामगार पुरवणी मागण्यांवर चर्चा व मतदान (पहिला दिवस)
११ डिसेंबर२०२५. शासकीय कामगार पुरवणी मागण्यांवर चर्चा व मतदान दुसरा व शेवटचा दिवस, पुरवणी विनियोजन विधेयक
१२ डिसेंबर२०२५. शासकीय कामकाज
१३ डिसेंबर व१४ डिसेंबर२०२५. रोजी शनिवार, रविवार शासकीय सुट्टी असेल
१५ डिसेंबर२०२५. शासकीय कामकाज
१६ डिसेंबर२०२५. शासकीय कामकाज
१७ डिसेंबर२०२५. शासकीय कामकाज
१८ डिसेंबर२०२५. शासकीय कामकाज
१९ डिसेंबर२०२५. शासकीय कामकाज अशासकीय कामकाज अशी तात्पुरता कामकाज पत्रिका तयार करण्यात आली आहे
एकंदरीत त नागपूरचे हिवाळी अधिवेशन कामकाज पत्रिकेत दोन आठवड्याचे असले तरी पहिल्या आठवड्यात ११ डिसेंबर २०२५ रोजी पुरवणी विनियोजन विधेयक सादर झाल्यानंतर अधिवेशनात फारसे कामकाज होणार नसल्याचे संकेत प्राप्त होत असून शुक्रवारी१२. डिसेंबर२०२५. रोजी अधिवेशन संस्थागीत करून अधिवेशनाचे सुपं वाजणार असल्याचे राजकीय निरीक्षकांकडून बोलले जात आहे
नागपूर येथील हिवाळी अधिवेशन हे नेहमीप्रमाणे राजकीय समीकरणासाठी गाजत असल्याचे आतापर्यंत झालेल्या नागपूर येथील हिवाळी अधिवेशनावरून दिसत असताना राज्यातील सत्ताधारी तीन पक्षांमध्ये असलेले अंतर्गत मतभेद व कुरघोड्या त्यानंतर राज्य विधिमंडळातील विधानसभेत विरोधी पक्ष नेत्याची नियुक्ती त्या पद्धतीने विधान परिषदेतील विरोधी पक्षाची नियुक्ती हे नागपूर येथील हिवाळी अधिवेशनात या नियुक्त होणार यावरून सत्ताधारी व विरोधकांमध्ये पुन्हा एकदा गदारोळ होणार हा मुद्दा देखील नागपूर अधिवेशनात गाजण्याची शक्यता नाकारता येत ना