मुंबई, दि. ३० सप्टेंबर – शिवाजी पार्क, दादर (प.) येथे २ ऑक्टोबर २०२५ रोजी होणाऱ्या दसरा मेळाव्याच्या पार्श्वभूमीवर मुंबई पोलिसांनी वाहतूक नियंत्रणासाठी विशेष बंदोबस्त आखला आहे. कार्यक्रमाच्या दिवशी हजारो नागरिकांचा सहभाग अपेक्षित असल्याने दादर आणि आजूबाजूच्या परिसरात वाहतूक मार्गात बदल करण्यात आले आहेत.
२ ऑक्टोबर रोजी सकाळी ९ ते रात्री ११.५५ या वेळेत खालील मार्गांवर नो-पार्किंग झोन जाहीर करण्यात आले आहेत:
एस.व्ही.एस. रोड (सिद्धिविनायक ते येस बँक)
केळुस्कर रोड (उत्तर व दक्षिण)
एम.बी. राऊत रोड
दादासाहेब रेगे मार्ग
पांडुरंग नाईक मार्ग
लेफ्टनंट दिलीप गुप्ते मार्ग
एन.सी. केळकर मार्ग
एल.जे. रोड
वाहतूक वळविण्यात आलेले प्रमुख मार्ग:
सिद्धिविनायक जंक्शनहून जाणारी वाहतूक एस.के. बोले रोडमार्गे वळविण्यात येईल.
राजा बधे चौक ते केळुस्कर रोडवरील वाहतूक गोखले रोडमार्गे वळवण्यात येईल.
गडकरी चौक, रेगे मार्ग, बाल गोविंददास मार्ग आदी ठिकाणीही पर्यायी मार्ग दिले आहेत.
मुंबई पोलिसांनी नागरिकांना सहकार्य करण्याचे आवाहन करत, शक्य असल्यास सार्वजनिक वाहतूक सेवेचा वापर करण्याची विनंती केली आहे. कार्यक्रमादरम्यान वाहतूक कोंडी टाळण्यासाठी पर्यायी मार्गांचा अवलंब करावा, असे आवाहन करण्यात आले आहे.