एनडीआरएफ, पोलीस व प्रशासनाचा . रायगड रोपवे वर थरारक बचाव सराव
महाड – (मिलिंद माने) रायगड रोपवेवर गुरुवारी आपत्कालीन परिस्थितीत तातडीने मदत व बचावकार्य कसे करावे, याचा प्रत्यक्ष सराव करण्यासाठी थरारक मॉक ड्रिल घेऊन. दोरीच्या साहाय्याने प्रवाशांचा बचाव करण्याचा सराव एनडीआरएफ, पोलीस, अग्निशमन दल, आरोग्य विभाग आणि प्रशासनाच्या संयुक्त सहभागातून हिरकणी वाडी येथे पार पडला
रायगड रोपेच्या हिरकणी वाडी येथे या सरावावेळी एनडीआरएफ ०५ बटालियन पुणेचे सहाय्यक कमांडर निखिल मुद्‍होळकर, निरीक्षक अंकित कुमार, नितीन सोकाशी, महाड उपविभागीय पोलीस अधिकारी काळे, नायब तहसीलदार आर. निकम, रायगड रोपवे प्राधिकरणाचे एस. भालेराव आणि रायगड पोलीस ठाण्याचे पोलीस निरीक्षक अनिल देशमुख मान्यवर उपस्थित होते.
रायगड रोपेच्या हिरकणी वाडी येथे पार पडलेल्या या सरावात ९३ जवान व कर्मचारी सहभागी झाले. त्यामध्ये – एनडीआरएफ पथकाचे : २७,अग्निशमन दलाचे : १५,रायगड रेस्क्यू टीमचे सदस्य : ३०,रायगड पोलीस दलातील : १०,आरोग्य विभागातील : ०६
याशिवाय २ रुग्णवाहिका आणि १ अग्निशमन वाहन या मॉक ड्रिल च्या वेळी तैनात करण्यात आले होते.
रायगड येथील हिरकणी वाडी जवळ असणाऱ्या रोपवेच्या या सरावाचा उद्देश म्हणजे रोपवेवर अडकलेल्या प्रवाशांचा सुरक्षित बचाव, आपत्कालीन परिस्थिती रायगड रोपवे मध्ये अडकलेल्या जखमींना आरोग्य विभागाकडे पोहोचवणे तसेच विविध बचाव यंत्रणांमधील समन्वय तपासणे हा होता. सरावाद्वारे प्रत्यक्ष दुर्घटनेतही यंत्रणा तातडीने आणि प्रभावीपणे कार्य करण्यास सक्षम असल्याचे या सरावा दरम्यान स्पष्ट झाले यावेळी मोठ्या संख्येने रोपवेने जाणारे शिवभक्त व स्थानिक ग्रामस्थ हा मॉक ड्रिल पाहण्यासाठी उपस्थित होते