“रायगडमध्ये तटकरेशिवाय राजकारण नाही!” – राष्ट्रवादी काँग्रेस

महाड : “तटकरे साहेब ज्योतिषी आहेत का नाही, हे साडेचार वर्षांनंतर टीका करणाऱ्यांनाच कळेल!” अशा शब्दांत राष्ट्रवादी काँग्रेसचे प्रवक्ते धनंजय देशमुख यांनी खासदार सुनील तटकरे यांच्यावर सातत्याने टीका करणाऱ्यांना रोखठोक प्रत्युत्तर दिले.

महाड शासकीय विश्रामगृहात आयोजित पत्रकार परिषदेत बोलताना देशमुख म्हणाले,
“१९९९ सालापासून रायगड जिल्ह्यात तटकरे साहेबांवर टीका केल्याशिवाय राजकारण झालेले नाही. त्या काळी काँग्रेस सत्तेत असतानाही जे कोणी तटकरे साहेबांच्या विरोधात होते ते टीका-टिप्पणी करतच होते. याची आम्हा कार्यकर्त्यांना सवय झाली आहे.”

ते पुढे म्हणाले,
“साहेब हे साहेब आहेत. ते ज्योतिषी आहेत की नाही हे साडेचार वर्षांनी पुन्हा कळेल, कारण निवडणुका आल्यावर हेच टीकाकार प्रचारात पुढे असतात. आजवरचा इतिहास पाहिला तर भविष्यातही याला अपवाद असणार नाही, असे मला वाटत नाही.”

Leave a Reply

Your email address will not be published. Required fields are marked *