महाड (मिलिंद माने) कोकणात ६ मे२०२५ पासून चालू झालेला पाऊस आज सप्टेंबर महिना संपत आला तरी कमी होण्याचे नाव घेत नाही त्यातच हवामान विभागाने 27 सप्टेंबर ते 29 सप्टेंबर या तीन दिवसाच्या कालकीर्दीत कमी दाबाच्या पट्ट्यामुळे अतिवृष्टीची शक्यता लक्षात घेता शासकीय यंत्रणेंना अलर्ट राहण्याच्या सूचना दिल्या असून कोकणात पुन्हा अतिवृष्टीमुळे भूस्खलन व पूर येण्याची शक्यता वर्तवण्यात येत आहे
कोकणात मागील सहा महिन्यापासून पावसाने थैमान घातले असून भात पिकांबरोबरच रस्ते व जनावरांच्या गोठ्यांसहित गावातील खाजगी जमिनींचे मोठ्या प्रमाणावर पावसामुळे नुकसान झाले आहे तर सातत्याने पडणाऱ्या पावसामुळे हातातोंडाशी आलेले भात पीक देखील वाया जाण्याची शक्यता असल्याने शेतकरी हवालदिल झाला आहे त्यातच हवामान विभागाने राज्य सरकारला कोकणात पुन्हा अतिवृष्टी होण्याचा संदेश दिला आहे
कोकणातील रायगड रत्नागिरी व सिंधुदुर्ग या जिल्ह्यात २७ सप्टेंबर शनिवार ते २९ सप्टेंबर सोमवार . पर्यंतच्या कालावधीमध्ये कमी दाबाचा पट्टा निर्माण होऊन अतिवृष्टी होण्याची दाट शक्यता वर्तवली आहे या काळात सर्व नागरिकांनी व स्थानिक प्रशासनाने सर्व साहित्यांशी सतर्क रहावे असा सूचना हवामान विभागाने राज्य शासनाला दिल्याने तालुका पातळीवरील महसूल विभागाने सर्व शासकीय यंत्रणा अलर्ट केले आहे
कोकणात सहा मे पासून चालू झालेला मान्सून. सप्टेंबर महिना संपत आला तरी कमी होण्याचे नाव घेत नसल्याने शेतकरी वर्गाबरोबरच सर्वसामान्य जनता हवालली झाली आहे त्यातच मान्सून विभागाने शासकीय यंत्रणेला अतिवृष्टीची शक्यता लक्षात घेता अलर्ट राहण्याच्या सूचना दिल्याने शनिवार व रविवार सुट्टी असल्याने शासकीय यंत्रणेंनी आपल्या कर्मचाऱ्यांना कार्यान्वित राहण्याच्या सूचना दिल्या आहेत
महाड तालुका हा डोंगराळ व दुर्गम भागात असल्याने तसेच कोकणातील अनेक ठिकाणी असणारी गावे ही दुर्गम व डोंगराळ भागात असल्याने हवामान विभागाने दिलेल्या दाबाच्या पट्ट्यामुळे अतिवृष्टी होण्याची शक्यता गृहीत धरता या अतिवृष्टीमुळे दरड ग्रस्त भागात भूस्खलन होण्याची शक्यता नाकारता येत नाही त्याचबरोबर कोकणातून पश्चिम महाराष्ट्रात जाणाऱ्या महाबळेश्वर घाट ,ताम्हिणी घाट व भोर घाट या ठिकाणी . तसेच तालुक्यातील डोंगराळ व दुर्गम भागात जाणाऱ्या घाट रस्त्यांवर देखील अतिवृष्टीमुळे भूस्खलन होण्याची शक्यता नाकारता येत नाही एकंदरीत हवामान विभागाने दिलेल्या सूचनांचे पालन शासकीय यंत्रणे मधील किती यंत्रणा अलर्ट मोडवर राहतात यावरच घडलेल्या घटनेनंतर सत्य समोर येईल कारण शनिवार रविवार सुट्टी असल्याने बहुतांशी कर्मचारी व नवरात्रोत्सवाचा कार्यकाळ चालू असल्याने किती शासकीय कर्मचारी हवामान विभागाच्या संदेशाचे पालन करतात यावरच सर्व काही अवलंबून आहे
शाळांना सुट्टी देणार का? हवामान विभागाने २७ ते २९ सप्टेंबर या कालावधीत कमी दाबाचा पट्टा निर्माण होऊन अतिवृष्टीची शक्यता होण्याची शक्यता लक्षात घेता शासकीय यंत्रणा अलर्ट ठाण्याच्या सूचना दिल्या असल्या तरी २७ सप्टेंबर शनिवार व २९ सप्टेंबर सोमवार. असल्याने या काळा त शासकीय महाविद्यालय व शाळा यांना अतिदक्षतेचा उपाय म्हणून जिल्हा पातळीवरील जिल्हाधिकारी व जिल्हा परिषदेचे शिक्षण विभाग हवामान विभागाकडून आगाऊ सूचना आल्याने शाळा व महाविद्यालय यांना सुट्टी जाहीर करणार का? असा सवाल या निमित्ताने उपस्थित होत आहे