महाड तालुक्यातील ग्रामपंचायतींकडे पाणीपुरवठा व पथदिव्यापोटी सुमारे १३ कोटी रुपयांची थकबाकी??
वीज मंडळाकडून वारंवार नोटीस देऊनही . राजकीय वरदहस्थापोटी ग्रामपंचायतकडून बिलांचा भरणा अपूर्णच!
जिल्हा परिषदेच्या प्रशासकीय विभागाचे जाणीवपूर्वक दुर्लक्ष?
महाड (मिलिंद माने) : महाड तालुक्यातील १३४ ग्रामपंचायत कडून. महाराष्ट्र राज्य वीज वितरण कंपनीला ग्रामपंचायत हद्दीतील पथदिवे व सार्वजनिक पाणीपुरवठा करिता चालू महिन्यापर्यंत सुमारे १३ कोटी रुपयांची थकबाकी राहिल्याची माहिती वीज वितरण विभागाच्या सूत्रांकडून प्राप्त झाली आहे. मात्र वेळेवर वीज भरणा करण्यास ग्रामपंचायत सक्षम नसल्याचे यावरून स्पष्ट होत असून राजकीय वरदहस्थापोटी अनेक ग्रामपंचायतीच्या हद्दीमध्ये पाणीपट्टी वसुली धीम्या गतीने चालू असल्यामुळे मोठ्या प्रमाणावर वीज बिलाची रक्कम दर महिन्याला अव्वाच्या सव्वा वाढत असल्याने ही थकबाकी वाढल्याचे बोलले जात आहे
दरम्यान तीन महिन्यात येणाऱ्या स्थानिक स्वराज्य संस्थांच्या निवडणुकीमध्ये गावातील इतर समस्यांबरोबरच गेल्या अनेक वर्षाची राहिलेली वीज बिलाची थकबाकी हा मुद्दा ऐरणीवर येण्याचे सूचक संकेत प्राप्त झाले आहेत.
यासंदर्भात वीज वितरण कंपनीच्या चांभार खिंड_ महाड कार्यालयातील सूत्रांकडून प्राप्त झालेल्या माहितीनुसार ग्रामपंचायत हद्दीतील पथदिव्यांसाठी एकूण ९ कोटी ४१ लाख ७६ हजार २०२ रुपयांची थकबाकी गेल्या पाच ते सात वर्षांपासून राहिल्याचे स्पष्ट करण्यात आले आहे.
याबाबत सविस्तर दिलेल्या माहितीनुसार बिरवाडी विभागातील ३९ ग्रामपंचायत व संबंधित यंत्रणेच्या ग्राहकांकडून सुमारे एक कोटी ३४ लाख ४७हजार ४९६ रुपये कुंबळे गोरेगाव विभाग २७ ग्राहक ६५ लाख ७८ हजार ६७२ महाड ग्रामीण ४९ग्राहक एक कोटी ६६ लाख ३४ हजार ६४७ महाड शहर २५ ग्राहक एक कोटी ३० लाख २१ हजार ९ रुपये एमआयडीसी गोरेगाव विभाग २३ ग्राहक ८४ लाख ६१ हजार ४४० नाते विभाग ४७ ग्राहक एक कोटी ६६ लाख २२३६ वहूर तीस ग्राहक एक कोटी ३९ लाख ३७०४ तर . विन्हेरे विभाग ६१ ग्राहक दोन कोटी ७५लाख ५४ हजार ४९६ मिळून ९ कोटी ४१ लाख ७६ हजार २०२ एवढी थकबाकी असल्याची माहिती देण्यात आली आहे.
महाड तालुक्यातील १३४ ग्रामपंचायत मधून स्थानिक ग्रामस्थाकरता देण्यात येणाऱ्या सार्वजनिक पाणीपुरवठ्यासाठी वापरण्यात आलेल्या विजेची रक्कमही सुमारे ३ कोटी ६३ लाख ६१ हजार ६७६ एवढी असल्याचे सांगण्यात आले आहे.
यामध्ये बिरवाडी विभाग २३ ग्राहक एक कोटी २५ लाख वीस हजार पाचशे आठ कुंबळे गोरेगाव विभाग २३ ग्राहक बहात्तर लाख ६२ हजार २३ महाड ग्रामीण ४४ ग्राहक ९२ लाख ९९ हजार ६४१ महाड शहर पाच ग्राहक १२ लाख १० हजार ७५९ एमआयडीसी गोरेगाव विभाग १२ ग्राहक सहा लाख २३ हजार ६५६ नाते ३६ ग्राहक ४० लाख ७१ हजार १४२ वहूर ३३ ग्राहक तीन लाख ८१४०५ विन्हेरे ६० ग्राहक ९ लाख ९२ हजार ५३८ मिळून तीन कोटी ६३ लाख ६१हजार ६७६ रुपयांची थकबाकी राहिल्याची माहिती वीज वितरण विभागाच्या या कार्यालयातील . सूत्रांकडून प्राप्त झाली आहे
आगामी तीन महिन्यात स्थानिक स्वराज्य संस्थांच्या येणाऱ्या निवडणुकींकरिता विकासात्मक कामांबरोबरच संबंधित सर्व ग्रामपंचायत मधील राहिलेली थकबाकी देण्याबाबत या ठिकाणी सत्तेसाठी लढणाऱ्या राजकीय पक्षांना आपली भूमिका स्पष्ट करावी लागणार आहे.
सर्वसामान्य ग्राहकाच्या राहिलेल्या बिलापोटी तातडीने कारवाई करून वीस कनेक्शन बंद करणाऱ्या विद्युत वितरण विभागाकडून या संबंधित ग्रामपंचायती बाबत आजपर्यंत कोणती कारवाई करण्यात आली याची माहिती या विभागाने जाहीर करावी अशी मागणी महाड तालुक्यातील सर्वसामान्य वीज ग्राहकांकडून केली जात आहे.
ग्रामपंचायत हद्दीतील पथदिव्यांचे बिल जिल्हा परिषदे कडून दिले जात असल्याचे या अधिकाऱ्यांशी केलेल्या अनौपचारिक चर्चेमध्ये निदर्शनास आणण्यात आले.
मात्र सार्वजनिक पाणीपुरवठा योजना ही ग्रामस्थांकरता राबविली जात असताना ग्रामस्थांकडून या संदर्भातील असणारी पाणीपट्टी प्रतिवर्षी योग्य पद्धतीने भरली न गेल्यामुळेच ग्रामपंचायतच्या नावाने लाखो रुपयांच्या थकबाक्या राहिल्याचे दुर्दैवी वास्तव समोर आले आहे.
यामुळेच आगामी स्थानिक स्वराज्य संस्थांच्या निवडणुकीमध्ये अन्य समस्या बरोबरच ग्रामपंचायतच्या रखडलेल्या तुंबलेल्या या वीज बिलांबाबत संबंधित राजकीय पक्ष कोणती भूमिका घेतात हे पाहणे महत्त्वाचे ठरणार आहे. मात्र ग्रामपंचायतीने थकीत पाणीपट्टी ग्राहकांकडून वसूल करण्यास केलेल्या टाळाटाळीमुळेच वीज बिलाची रक्कम ग्रामपंचायत इकडे दर महिना वाढत चालले ते यातून निष्पन्न होत आहे पाणीपट्टी वसुली राजकीय वरदस्त असल्याने या सर्व गोष्टी ग्रामपंचायत पातळीवर होत असल्याचे बोलले जात आहे