महाड (मिलिंद माने) महाड तालुक्यातील उत्तर आंबेशिवथर पुलावरून जाताना तुषार तुकाराम येनुपुरे यांनी जीव ठार मारण्याचा हेतूने तुळशीराम गायकवाड याला नदीच्या ढकलले पाण्यात ढकलून दिल्याची घटना उघडकीस आली आहे
महाड तालुक्यातील आंबे शिवथर गावातील तुळशीराम गायकवाड हा तीन दिवस बेपत्ता असल्याने मयत तुळशीराम च्या आईने महाड एमआयडीसी पोलीस ठाण्यात जाऊन याबाबतची तक्रार दाखल केली होती
आंबे शिवथर पुलावरून जात असताना तुषार तुकाराम येणूपुरे याने त्याचा मित्र तुळशीराम चंद्रकांत गायकवाड यास जीवे ठार मारण्याच्या हेतूने काळ नदीच्या पात्रात ढकलून दिले. यामध्ये तुळशीराम याचा मृत्यू झाला. गेल्या तीन दिवसांपासून तुळशीराम बेपत्ता होता. त्याच्या आईने याबाबत एमआयडीसी पोलीस ठाण्याकडे धाव घेतल्यानंतर तपास सुरू करण्यात आला आणि ही दुर्दैवी घटना उघडकीस आली.
मिळालेल्या माहितीनुसार, तुळशीराम गायकवाड याच्यासोबत रोशन सखाराम येणपूरे, गणेश सुतार आणि तुषार येनपुरे हे मित्र कुंभे शिवथर येथून किराणा माल घेऊन आंबेशिवथर येथे चालत जात असताना त्यांच्या गटात वाद झाला. त्या वादातून तुषार येणपूरे याने तुळशीरामवर हल्ला करत पुलावरून नदीत ढकलून दिले. याशिवाय इतर मित्रांनाही जीवे ठार मारण्याची धमकी दिल्याची नोंद पोलिसांनी केली आहे.
महाड MIDC पोलीस ठाण्यात तुषार तुकाराम येणूपुरे याच्या विरोधात भारतीय न्यांस संहिता कलम १०३(१), २३८, ३५१(३), ३५२अन्वये गुन्हा दाखल करण्यात आला असून रजिस्टर क्रमांक १०३/२०२५असा आहे. सदर घटनेचा तपास सहायक पोलिस निरीक्षक जीवन माने यांच्या नेतृत्वाखाली सुरू आहे.
या घटनेबाबत मित्रा मधील वैरत्व कोणत्या थराला जाते हे या घटनेवरून उघड झाल्याने याबाबत महाड तालुक्यात सर्वत्र चर्चेचा विषय ठरला आहे